ជំពូក៤ ការរំលាយអាហារ
មេរៀនទី១ រូបផ្គុំប្រដាប់រំលាយអាហារ
សេចក្ដីផ្ដើម
- សារពាង្គកាយប្រើប្រាស់ថាមពលដើម្បីផ្លាស់ទី លូតលាស់ ធំធាត់ ប្រឆាំងនឹងជំងឺជាដើម។ យើងទទួលបានថាមពលពីអាហារដែលយើងបរិភោគ។
- អាហារក៏បានផ្គត់ផ្គង់នូវរូបធាតុដើមចាំបាច់សម្រាប់បង្កើតកោសិកាថ្មីៗ នៅពេលលូតលាស់និងជួសជុលជាលិកាខូចខាតនៅក្នុងសារពាង្គកាយ។
រូបទី១៖មនុស្សនិងសត្វត្រូវការញ៉ាំអាហារ
១. តម្រូវការការរំលាយអាហារ
- សារពាង្គកាយត្រូវការអាហារ ពីព្រោះ កោសិកាត្រូវប្រើប្រាស់សារធាតុចិញ្ចឹមដើម្បីទទួលបានថាមពល សម្រាប់កសាង ជួសជុលកោសិកា រាងកាយធ្វើចលនា លូតលាស់ ធំធាត់…។
រូបទី២៖ កោសិកាលូតលាស់ធំធាត់
- សារពាង្គកាយអាចប្រើប្រាស់ថាមពលក្នុងអាហារ ដោយវាត្រូវបំបែកជាម៉ូលេគុលល្អិតៗ បន្ទាប់មកសារធាតុចិញ្ចឹមជ្រាបចូលក្នុងឈាម ហើយឈាមដឹកនាំបន្តទៅកាន់កោសិកាដែលជាកន្លែងផលិតថាមពល។
រូបទី៣៖ តម្រូវការការរំលាយអាហារ
- ការរំលាយអាហារគឺជាលំនាំនៃការបំបែកអាហារឱ្យទៅជាម៉ូលេគុលតូចល្អិត និងងាយ។
២.រូបផ្គុំប្រដាប់រំលាយអាហារ
- ប្រដាប់ដែលមាននាទីរំលាយអាហារហៅថាប្រដាប់រំលាយអាហារ។
- ការរំលាយអាហារកើតឡើងនៅក្នុងមាត់និងបំពង់អាហារដែលនៅទីនោះ អាហារត្រូវបានបំបែកបន្តិចម្ដងៗទៅជាម៉ូលេគុលតូច ល្អិត និងងាយ។
- រូបផ្គុំប្រដាប់រំលាយអាហាររបស់មនុស្សរួមមានសរីរាង្គ៖
