(ជ១) មេរៀនទី៤៖ (សង្ខេបមេរៀន) ប្រទេសឥណ្ឌូណេស៊ី

ជំពូកទី១              ប្រទេសអាស៊ីអាគ្នេយ៍

មេរៀនទី៤            ប្រទេសឥណ្ឌូនេស៊ី

*ពន្យល់ពាក្យ

- កុបកម្ម        ​= អំពើជ្រួលជ្រើម ការបះបោរ ចលាចល​ ។

- រដ្ឋបាលគ្រប់គ្រង ​= ការគ្រប់គ្រង ឬចាត់ចែង ប្រទេស ក្រសួង...  ។

- អង្គជំនុំសភា   = ការប្រជុំពិភាក្សាស្តីអំពីច្បាប់ផ្សេងៗរបស់ប្រទេសមួយ ។

- ហ្កាវ៉ាន់សូឡូ   = ជាឈ្មោះបឹងមួយនៅកោះជ្វា នៃប្រទេសឥណ្ឌូណេស៊ី ។

- ចាំប៊ី             = ជាឈ្មោះទន្លេមួយនៅកោះស៊ូម៉ាត្រា ។

- តុលាការធម្មនុញ្ញ= ជាតុលាការកាត់ក្តីដោយយុត្តិធម៌អនុវត្តតាមច្បាប់ក្រមប្រទេស ។

- កិត្យានុភាព ​= អានុភាពនៃកេរ្តិ៍ឈ្មោះល្បីរន្ទឺ ។

១. ស្ថានភាពភូមិសាស្រ្ត

+ តើទីតាំងភូមិសាស្រ្តប្រទេសឥណ្ឌូណេស៊ីស្ថិតនៅត្រង់ណានៃផែនទីពិភពលោក? ចូរពន្យល់ ។ 

- ប្រទេសឥណ្ឌូណេស៊ីមានទីតាំងភូមិសាស្ត្រស្ថិតនៅអមសងខាងខ្សែអេក្វាទ័រ ចន្លោះទ្វីបអាស៊ី និងអូស្រ្តាលី តាមបណ្តោយសមុទ្រជាច្រើន ចន្លោះមហាសមុទ្រឥណ្ឌា លយចូលជ្រៅទៅមហាសមុទ្រប៉ាស៊ីហ្វិក ។

+ តើប្រទេសឥណ្ឌូណេស៊ីមានផ្ទៃដីប៉ុន្មានគីឡូម៉ែត្រការ៉េ? មានកោះសរុបចំនួនប៉ុន្មាន ?

  មានប្រជាជនកាន់សាសនាអ្វីច្រើន ជាងគេ?

- ប្រទេសឥណ្ឌូណេស៊ីមានផ្ទៃដីសរុបចំនួន 1 919 440 km²

- មានកោះសរុប 17 508 កោះ (កោះ 6000 គ្មានមនុស្សរស់នៅ)

- ប្រទេសឥណ្ឌូនេស៊ី ជាកម្រងកោះធំបំផុតក្នុងលោក។

- មានប្រជាជនកាន់សាសនា អ៊ីស្លាមច្រើនជាងគេផងដែរ។

+ តើប្រទេសឥណ្ឌូនេស៊ីមានផ្ទៃដីប៉ុន្មានKm²? 

- ប្រទេសឥណ្ឌូនេស៊ីមានផ្ទៃដី ១ ៩១៩ ៤៤០ Km² ។

+ តើប្រទេសឥណ្ឌូនេស៊ីមានព្រំប្រទល់ជាប់ប្រទេសណាខ្លះ?

- ប្រទេសឥណ្ឌូនេស៊ីមានព្រំប្រទល់ ៖

- ខាងកើត ជាប់ទីម័រខាងកើត 228 km

- ខាងជើងជាប់ប្រទេសម៉ាឡេស៊ី1 782 km

- ចុងខាងកើតបំផុតជាប់ ប៉ាពូញូគីនេ 820 km

- មានព្រំប្រទល់សរុបទាំងអស់ 2 830 km

- មានឆ្នេរសមុទ្រប្រវែង 54 716 km ។

១. លក្ខខណ្ឌធម្មជាតិឥណ្ឌូណេស៊ី

១.១. សណ្ឋានដី

+ តើប្រទេសឥណ្ឌូណេស៊ីមានសណ្ឋានដីដូចមេ្តច? ចូរពន្យល់ ។  

- ប្រទេសឥណ្ឌូណេស៊ីជាកម្រងកោះសម្បូរទៅដោយជួរភ្នំធំៗ និងភ្នំភ្លើងប្រមាណ 45 ដែលផ្ទុះចាប់តាំងពីឆ្នាំ 1821 មក ។

+ តើអន្លុងបាតសមុទ្រជ្រៅៗរបស់ប្រទេសនេះមាននៅទីណាខ្លះ?

- អន្លុងបាតសមុទ្រជ្រៅៗរបស់ប្រទេសនេះមាននៅតាមបណ្តោយកោះស៊ូម៉ាត្រា កោះជ្វា និងកោះស៊ូឡាវ៉ឺស៊ី ។

 + តើប្រទេសឥណ្ឌូនេស៊ីមានកោះធំៗមាន ឈ្មោះអ្វីខ្លះ?      

- ប្រទេសឥណ្ឌូនេស៊ីមានកោះធំៗមានឈ្មោះ ដូចជា៖

·         កោះ ស៊ូម៉ាត្រា

·         កោះកាលីម៉ាន់តាន់ (បរនេអូ)

       កោះជ្វា កោះស៊ូឡាវឺស៊ី 

·         កោះអ៊ីឡាំបារ៉ាត់(គីនេថ្មី)ជាដើម។

·         

​     

+ តើភ្នំភ្លើងក្រាកាត្វានៃកោះរ៉ាកាតារបស់ឥណ្ឌូណេស៊ីបានសម្លាប់មនុស្សអស់ប៉ុន្មាននាក់? នៅឆ្នាំណា?

- ភ្នំភ្លើងក្រាកាត្វានៃកោះរ៉ាកាតារបស់ឥណ្ឌូណេស៊ី បានសម្លាប់មនុស្សអស់៣ ៦ ៤០០ នាក់ នៅឆ្នាំ១៨៨៣។

+ តើរលកយក្សមានល្បឿនប៉ុន្មាន Km/h? ធ្វើឱ្យប៉ះពាល់ដល់អ្វី?      

+ រលកយក្សមានល្បឿនពី៥០០ ទៅ ៨០០ Km/h ហើយធ្វើឱ្យខេត្តអាចេរបស់ឥណ្ឌូណេស៊ីត្រូវបានបំផ្លាញ។១.២. អាកាសធាតុ

+ តើប្រទេសឥណ្ឌូណេស៊ីស្ថិតក្រោមអាកាស ធាតុដូចម្តេច?   

+ ប្រទេសឥណ្ឌូណេស្ថិតក្រោមអាកាសធាតុអេក្វាទ័រសមុទ្រ ក្តៅហើយសើម មានភ្លៀងធ្លាក់ស្ទើរតែរៀងរាល់ថ្ងៃ។

+ តើប្រទេសឥណ្ឌូណេស៊ីមានរដូវប្រាំងដែរ ឬទេ?     

- ប្រទេសឥណ្ឌូណេស៊ីគ្មានរដូវប្រាំងដូចនៅ ប្រទេសកម្ពុជា យើងទេ។

១.៣. ផ្លូវទឹក

+ តើទន្លេធំហើយវែងស្ថិតនៅលើកោះធំៗ មានឈ្មោះ អ្វីខ្លះ?

- ទន្លេធំហើយវែងស្ថិតនៅលើកោះធំៗមានដូចជា ទន្លេបារីតូ ទន្លេកំពូស និងទន្លេរីជាន់ (កោះកា លីម៉ាន់តាន់) ទន្លេម៉បបើរ៉ាម៉ូ ទន្លេឌីគីល (កោះអ៊ីរីយ៉ង់-ជ្វា) ទន្លេជីតារុំ ទន្លេជីម៉ានុក ទន្លេជីតាន់ឌូ ទន្លេ បឹងហ្គាវ៉ាន់សូឡូ និងទន្លេប្រាន់តាសកោះជ្វា ។

+ តើបឹងនិងទន្លេទាំងនោះជាប្រភពផ្តល់ អ្វីខ្លះ?

- បឹងនិងទន្លេទាំងនោះជាប្រភពផ្តល់ទឹកសាបដ៏សំខាន់ សម្រាប់ជីវភាពរស់នៅរបស់ប្រជាជនឥណ្ឌូណស៊ី។

២. លក្ខខណ្ឌនយោបាយនិងស្ថានភាពប្រជាជន

២.១. ប្រព័ន្ធនយោបាយ

+ តើប្រទេសឥណ្ឌូណេស៊ីប្រកាសខ្លួនជារដ្ឋ ឯករាជ្យទទួលស្គាល់ពីហូឡង់នៅថ្ងៃ ខែឆ្នាំ ណា?

- ប្រទេសឥណ្ឌូណេស៊ីប្រកាសខ្លួនជារដ្ឋឯករាជ្យទទួលស្គាល់

  ពីហូឡង់នៅថ្ងៃទី២៧ ខែធ្នូ ឆ្នាំ១៩៤៩ ។

- តើប្រទេសឥណ្ឌូណេស៊ីមានឈ្មោះជាផ្លូវការថាអ្វី? ប្រកាន់យករបបអ្វី?      

- ប្រទេសឥណ្ឌូណេស៊ីមានឈ្មោះជាផ្លូវការថា៖ សាធារណរដ្ឋឥណ្ឌូនេស៊ី។

- ប្រកាន់យករបបសារធារណរដ្ឋ បែបប្រជាធិបតេយ្យ សេរីពហុបក្ស។

+ តើរបបគ្រប់គ្រងនយោបាយឥណ្ឌូណេស៊ី ចែកចេញជាប៉ុន្មាន? អ្វីខ្លះ?

§  របបគ្រប់គ្រងនយោបាយប្រទេសឥណ្ឌូណេស៊ី ចែកចេញ ជាបីផ្នែក គឺ៖

·         អំណាចនិតិប្រតិបត្តិ

·         អំណាចនីតិប្បញ្ញត្តិ

·         អំណាចតុលាការ

+ តើរបៀបគ្រប់គ្រងផ្នែករដ្ឋបាល បែងចែក ប្រទេសឥណ្ឌូណេស៊ីមានខេត្តចំនួនប៉ុន្មាន? រាជធានីប៉ុន្មាន? មានឈ្មោះអ្វី?

- របៀបគ្រប់គ្រងផ្នែករដ្ឋបាលបែងចែកប្រទេសឥណ្ឌូណេស៊ីមាន៣០ខេត្ត និងរដ្ឋធានីមួយគឺ ទីក្រុង ចាកាតា។

២.២. ស្ថានភាពប្រជាជន

+ តើប្រទេសឥណ្ឌូណេស៊ីមានប្រជាជនប៉ុន្មាន នាក់ ឆ្នាំ(២០០៨)? ដង់ស៊ីតេមធ្យមប៉ុន្មាន នាក់/Km²?

- ប្រទេសឥណ្ឌូណេស៊ីមានប្រជាជនសរុបចំនួន២៣៧ ៥១២ ៣៥១ នាក់ឆ្នាំ (២០០៨)

- មានដង់ស៊ីតេ មធ្យម១២៣.៧៤នាក់/Km² ។

២ តើប្រទេសឥណ្ឌូណេស៊ីទទួលចំណាត់ថ្នាក់ លេខប៉ុន្មានខាងផ្ទៃដី និងចំនួនប្រជាជន?

- ប្រទេសឥណ្ឌូណេស៊ីទទួលចំណាត់ថ្នាក់លេខ១ខាងផ្ទៃដី និងលេខ១ខាងចំនួនប្រជាជន។

+ ប្រជាជនឥណ្ឌូណេស៊ីភាគច្រើនចូលចិត្តរស់ នៅទីណា?     

- ប្រជាជនឥណ្ឌូណេស៊ីភាគច្រើនចូលចិត្តរស់ នៅតាម ឆ្នេរសមុទ្រ(៩៨.១១%)។

+ តើប្រទេសឥណ្ឌូណេស៊ីគោរពសាសនា អ្វីខ្លះ?

- ប្រទេសឥណ្ឌូណេស៊ីមានប្រជាជនគោរពសាសនាមានដូចជា៖

- សាសនា អ៊ិស្លាមមាន៨៦.១%

- ប្រូតេស្តង់៥.៧%

- រ៉ូម៉ង់កាតូលិក ៣%

- ហិណ្ឌូសាសនិក ១.៨%

- ជំនឿផ្សេងៗទៀតមាន ៣.៤%។

+ តើប្រទេសឥណ្ឌូណេស៊ីប្រើប្រាស់ភាសា អ្វីខ្លះ?

- ប្រទេសឥណ្ឌូណេស៊ីប្រើប្រាស់ភាសាផ្លូវការ បាហាសា ចំណែកភាសាអង់គ្លេស និងហូឡង់ជាភាសាយាន

  និងគ្រាមភាសាដទៃទៀត។