ជាប្រូតូសូអ៊ែឯកកោសិកា បរជីព។វារស់ក្នុទឹកសាប ទឹកប្រៃ ក្នុងដី និងក្នុងសារពាង្គកាយផ្សេងៗ។
ប្រើជើងបញ្ឆោតសម្រាប់ផ្លាស់ទីនិងចាប់យកអាហារ។ បន្ដពូជដោយឥតភេទ។កោសិកាមេមួយចែកខ្លួនជាកោសិកាកូនពីរ វាមានរូបរាងមិនកំណត់ រស់នៅកន្លែង មិនស្អាត ហើយបង្កជម្ងឺរាគមួល។
ប្រូតូសូអ៊ែដែលខ្លួនវារុំព័ទ្ធដោយរោមញ័រ។ វាប្រើរោមញ័រសម្រាប់ធ្វើចលនានិង បញ្ចូលអាហារក្នុងមាត់។ វាបន្ដពូជដោយឥតភេទនិងតាមដំណើរជំនាប់ប្ដូរ។ វារស់នៅក្នុងទឹកសាបនិងទឹកប្រៃ។
វាប្រើផ្លាសែលសម្រាប់ធ្វើចលនានិងរស់នៅក្នុងទឹកសាប នៅពេលមនុស្សផឹកទឹកមិនស្អាត វាភ្ជាប់ខ្លួននឹងពោះវៀនមនុស្ស ដោយចិញ្ចឹមជីវិតនិងបន្ដពូជនៅទីនោះ ហើយវាបង្កជំងឺពោះវៀនធ្ងន់ធ្ងរ ហៅថាឡំប្លីយ៉ាស។
ជាប្រភេទប្រូទីសសត្វរស់នៅជាបរាសិតលើសត្វនិងមនុស្ស។វាបន្ដពូជតាមរយ:ស្ប៉។ប្លាស្មូដ្យូមជាប្រភេទស្ប៉រ៉ូសូអ៊ែបង្កជំងឺគ្រុនចាញ់ដល់មនុស្ស។
ភាគច្រើនជាសារាយ ជាភាវរស់ស្វ័យជីពអាចធ្វើរស្មីសំយោគបាន ខ្លះជាសារពាង្គកាយឯកកោសិកានិងជាពហុកោសិកា។ វាមានបីប្រភេទគឺ អឺគ្លែន ឌីយ៉ាតូមេ និងសារាយ។
ជាសារពាង្គកាយឯកកោសិកា។ វាជាប្រូទីសសត្វផងនិងប្រូទីសរុក្ខជាតិផង។ ជាភាវរស់បរជីពពេលគ្មានពន្លឺនិងជាភាវរស់ស្វ័យជីពពេលមានពន្លឺ។
ជាប្រូទីសឯកកោសិកា។ វាជាចំណីរបស់ត្រីនិងសត្វនៅក្នុងទឹកសារពាង្គកាយវាស្រោបដោយសំបកជាស៊ីលីសដែលអាចធ្វើជាថ្នាំដុសធ្មេញនិងវត្ថុផ្សេងៗនៅពេលវាងាប់។ វាបន្ដពូជដោយភេទនិងឥតភេទ។
ជាសារពាង្គកាយឯកកោសិកានិងពហុកោសិកា។ វាមានបីក្រុមគឺ សារាយត្នោត សារាយក្រហម សារាយបៃតង។វាជាអាហាររបស់ត្រីនិងសត្វក្នុងទឹក។មនុស្សប្រើវាជាអាហារផលិតអាកា-អាកាសម្រាប់បណ្ដុះបាក់តេរីក្នុងមន្ទីរពិសោធន៍ បង្កើនអុកស៊ីសែន បន្ថយកង្វក់ទឹក។
ជាភាវៈរស់បរជីព។ កោសិការបស់វាមានភ្នាសគ្រោងបន្ដពូជតាមស្ប៉។
ជាសារពាង្គកាយឯកកោសិកា។ ផ្លាស់ទីនិងស៊ីអាហារដោយប្រើជើងបញ្ឆោត។វាមានរាងដូចដុំចាហួយយ៉ាងធំដោយការភ្ជាប់ជាមួយគ្នារវាងកោសិការបស់វាជាច្រើន។
រស់នៅក្នុងទឹកនិងកន្លែងសើម។ វាស៊ីសាកសព្វក្នុងទឹកជាអាហារនិជាបរាសិតលើសត្វទឹក(ត្រី)និងលើរុក្ខជាតិដំឡូងបារាំង ពោតជាដើម។