លោកគ្រូត្រូវការថាមពលដើម្បីលេងបាល់ទាត់។ តើថាមពលទាំងនេះបានមកពីណា?
ចម្លើយងាយបំផុត បានមកពីអាហារដែលមនុស្សបរិភោគ ។ កោសិកាប្រើប្រាស់ថាមពលគីមីស្តុកក្នុងអាហារសម្រាប់ធ្វើសកម្មភាពនៃជីវិតដូចជា ការផ្លាស់ទី ការលូតលាស់ ការរំលាយអាហារ ដំណកដង្ហើម...។ សកម្មភាពទាំងនេះផ្តើមចេញពីប្រតិកម្មគីមីផ្សេងៗដែលកើតមាននៅក្នុងកោសិកា។គ្រប់ប្រតិកម្មគីមីទាំងអស់នៅក្នុងសារពាង្គកាយហៅថា មេតាប៉ូលីស ។
នៅលើភពផែនដីយើងមានភាវៈរស់ច្រើនរស់នៅដូចជា រុក្ខជាតិ សត្វល្អិត សត្វក្តាន់ សត្វខ្លា មនុស្ស...។ ភាវៈរស់ទាំងអស់ត្រូវការអាហារដើម្បីទទួលបានថាមពល ។ តើសារពាង្គកាយទាំងអស់ទទួលបានថាមពលយ៉ាងដូចម្តេច?
|
|
សត្វកណ្ដូបទាំងអស់ត្រូវការអាហារដើម្បីចិញ្ចឹមជីវិត។ ពួកវាទទួលបានថាមពលពីអាហារដែលវាស៊ីគឺ រុក្ខជាតិ។ |
|
|
សត្វកង្កែបទាំងអស់ត្រូវការអាហារដើម្បីចិញ្ចឹមជីវិត។ ពួកវាទទួលបានថាមពលពីអាហារដែលវាស៊ីគឺកណ្តូប។ |
|
|
សត្វពស់ទាំងអស់ត្រូវការអាហារដើម្បីចិញ្ចឹមជីវិត។ ពួកវាទទួលបានថាមពលពីអាហារដែលវាស៊ីគឺ សត្វកង្កែប។
|
|
|
តើរុក្ខជាតិវិញទទួលបានអាហារយ៉ាងដូចម្តេច? រុក្ខជាតិ និងសារពាង្គកាយផ្សេងទៀតដូចជាសារាយ និងបាក់តេរីមួយចំនួន ទទួលបានថាមពលតាមរបៀបផ្សេងគ្នា។ សារពាង្គកាយទាំងនេះប្រើប្រាស់ថាមពលពន្លឺព្រះអាទិត្យដើម្បីផលិតអាហាររបស់ខ្លួន។ |
|
|
រស្មីសំយោគ គឺជាដំណើរការដែលកោសិកាចាប់យកថាមពលពន្លឺព្រះអាទិត្យ ហើយប្រើប្រាស់ថាមពលនេះដើម្បីផលិតអាហារ (គ្លុយកូស) ។សារពាង្គកាយអាចផលិតអាហាររបស់វាដោយផ្ទាល់ហៅថា ស្វ័យជីព ។ សារពាង្គកាយដែលមិនអាចផលិតអាហាររបស់វាដោយផ្ទាល់បានហៅថា បរជីព ។ |
ក្នុងពេលរស្មីសំយោគ រុក្ខជាតិ និងសារពាង្គកាយផ្សេងទៀត ប្រើប្រាស់ថាមពលពន្លឺព្រះអាទិត្យ ដើម្បីបម្លែង ឧស្ម័នកាបូនិច(CO2) និងទឹក(H2O)ឱ្យទៅជាឧស្ម័នអុកស៊ីសែន(O2)និងស្ករ(C6H12O6) ។
ក្លរ៉ូបា្លសជាធាតុកោសិកាពណ៌បៃតងដែលស្ថិតនៅក្នុងកោសិការុក្ខជាតិ។ ជាតិពណ៌សំខាន់នៅក្នុងក្លរ៉ូប្លាសដែលប្រើប្រាស់សម្រាប់ចាប់យកថាមពលពន្លឺក្នុងពេលរស្មីសំយោគគឺ ក្លរ៉ូភីល។ ក្លរ៉ូបា្លសដូចជាបន្ទះកញ្ចក់ចាប់យកថាមពលពន្លឺហើយប្រើប្រាស់ដើម្បីធ្វើឱ្យដំណាក់កាលទី២ នៃដំណើររស្មីសំយោគអាចដំណើរការបាន។
ដំណាក់កាលនេះរុក្ខជាតិប្រើប្រាស់ថាមពលពន្លឺព្រះអាទិត្យដែលចាប់បានដើម្បីផលិតស្ករ ។ ដំណាក់កាលនេះ រុក្ខជាតិត្រូវការរូបធាតុដើមពីរគឺ ឧស័្មនកាបូនិច(CO2) និងទឹក(H2O) ដើម្បីចូលរួមប្រតិកម្មគីមីផលិតអាហារក្រោមរូបរាងជាស្ករងាយហៅថា គ្លុយកូស និងផលិតផលមួយទៀតគឺ អុកស៊ីសែន(O2) ដែលភាយចេញពីស្លឹកតាមស្តូម៉ាត ។
ដំណើររស្មីសំយោគអាស្រ័យដោយកត្តាជាច្រើនដូចជា អាំងតង់ស៊ីតេពន្លឺ សីតុណ្ហភាព ទឹកនិងដង់ស៊ីតេឧស្ម័នកាបូនិចជាដើម ។ រុក្ខជាតិស្រូបទឹកពីក្នុងដីហើយធ្វើចលនាឡើងតាមដើមទៅកាន់ស្លឹករុក្ខជាតិ ហើយទឹកខ្លះទៀតបានមកពី
បរិយាកាស។ឧស្ម័នកាបូនិចដែលទទួលបានពីក្នុងខ្យល់ចូលក្នុងស្លឹកតាមរយៈស្តូម៉ាតនៅខាងក្រោមផ្ទៃនៃស្លឹករុក្ខជាតិ។
|
រុក្ខជាតិប្រើប្រាស់ស្ករដែលផលិតបានមួយចំនួនសម្រាប់ជាអាហាររបស់វា។ មួយចំនួនទៀតបម្លែងទៅជាសមាសធាតុផ្សេងៗទៀតដូចជា សែលុយឡូស និងមួយចំនួនទៀតស្តុកទុកក្នុងកោសិកាដើម្បីប្រើប្រាស់នៅពេលក្រោយ។ ផលប្រយោជន៍នៃរុក្ខជាតិតាម រយៈដំណើររស្មីសំយោគវាបានស្រូបយកឧស្ម័នកាបូនិច(CO2)ពីក្នុងខ្យល់ និងបញ្ចេញមកវិញនូវឧស្ម័នអុកស៊ីសែន(O2)សម្រាប់ដកដង្ហើម។ |
|
