(ជ២)មេរៀនទី២៖ (សង្ខេបមេរៀន) ប្រូការីយ៉ូត និងអឺការីយ៉ូត

ជំពូកទី២៖ ឯកសណ្ឋានភាពនៃភាវរស់
មេរៀនទី២៖ ប្រូការីយ៉ូតនិងអឺការីយ៉ូត

សង្ខេបមេរៀន

១.ប្រូការីយ៉ូត

គឺជាសារពាង្គកាយឯកកោសិកាដែលគ្មានណ្វៃយ៉ូពិតប្រាកដ វាគ្មានធាតុកោសិកាដូចជាមីតូកុងឌ្រី ក្លរ៉ូប្លាស និងគ្មានភា្នសដែលនៅព័ទ្ធជុំវិញសម្ភារៈតំណពូជនិងធាតុកោសិកាទាំងនេះ ។ប្រូការីយ៉ូតមិនអាចដំណើរការសកម្មភាពពិសេសៗបានឡើយ ។

⁕លក្ខណៈពិសេសរបស់ប្រូការីយ៉ូត

-កោសិកាកើតឡើងមុនគេ មានអាយុយ៉ាងតិច៣,៥រយកោដិឆ្នាំកន្លង។

-ជាសារពាង្គកាយងាយហើយតូចល្អិតអង្កត់ផ្ចិតពី 1 - 2µm បច្ចប្បុន្ន 1- 15µm

-គ្មានធាតុកោសិកានិងគ្មានណ្វៃយ៉ូពិតប្រាកដ

-វាលូតលាស់និងបន្តពូជឆាប់រហ័ស

-រស់នៅគ្រប់ទីកន្លែងក្នុងបរិស្ថាន

ប្រូការីយ៉ូត គឺ​បាក់តេរី​ ធ្លាប់ វាបង្កជំងឺឆ្លងដល់មនុស្ស​ និងធ្វើឱ្យអាហារខូច ខ្លះរស់នៅមិនត្រូវការអុកស៊ីសែន និងខ្លះទៀតមិនអាចរស់ក្នុងកន្លែងគ្មានអុកស៊ីសែនទេ។ និងខ្លះទៀតអាចផលិតអាហារបានដោយខ្លួនឯង

 ២.អឺការីយ៉ូត 

អឺការីយ៉ូត ជាសារពាង្គកាយដែលកោសិការបស់វាមានណ្វៃយ៉ូ(ជាកន្លែងផ្ទុកសម្ភារៈតំណពូជ) ពិតប្រាកដ និងមានធាតុកោសិកាដូចជា មីតូកុងឌ្រី ក្លរ៉ូប្លាសនិងវ៉ាគុយអូល អឺការីយ៉ូតមាន ប្រូទីស ផ្សិត រុក្ខជាតិ និងសត្វ ។

៣.ប្រៀបធៀបរវាងប្រូការីយ៉ូតនិងអឺការីយ៉ូត