(ជ១) មេរៀនទី២៖ (មេរៀនសង្ខេប) ការបំពុលទឹក

ជំពូក១ ទឹកសាបនិងការបំពុល

មេរៀនទី២ ការបំពុលទឹក

មេរៀនសង្ខេប

សេចក្ដីផ្ដើម

          សព្វថ្ងៃ ធនធានទឹកកំពុងតែទទួលរងការបំពុលយ៉ាងធ្ងន់ធ្ងរដោយសារសំណល់ឧស្សាហកម្ម ទឹកសំអុយ សំណល់គីមី ការជីកយករ៉ែ និងផ្នែកកសិកម្ម។

១. សារធាតុបំពុលទឹក

          សារធាតុបំពុលកើតឡើងនៅពេលដែល ទឹកសំអុយហូរចូលក្នុងទឹករួមមាន កាកសំណល់ខ្មោចសត្វ រុក្ខជាតិ លាមក ព្រមទាំងសារធាតុសរីរាង្គផ្សំពីកាបូន អ៊ីដ្រូសែន អុកស៊ីសែន អាសូត ស្ពាន់ធ័រ​ ថ្នាំកំចាត់សត្វចង្រៃ ជីគីមី ប្លាស្ទិច និងរូបធាតុផ្សេងទៀតផលិតពីផូស៊ីលឥន្ធនៈ។ សារធាតុបំពុលធ្វើឱ្យគ្រោះថ្នាក់បំផុតដល់មនុស្ស សត្វ និងរុក្ខជាតិដែលប្រើប្រាស់ទឹក ពិសេសសារពាង្គកាយនានាដែលរស់នៅក្នុងទឹក។

២. ប្រភពនៃការបំពុលទឹក

          ប្រភពនៃការបំពុលទឹកមានពីរប្រភេទ គឺ ប្រភពបំពុលចំណុច និងប្រភពបំពុលរាយប៉ាយ។

ប្រ  \( \bullet \) ភពបំពុលចំណុច គឺមានប្រភពចេញពីកន្លែងមួយច្បាស់លាស់ តាមរយៈបំពង់បង្ហូរ ឬប្រឡាយពីទីតាំងនៃប្រភពដូចជា រោងចក្រ និងបំពង់បង្ហូរទឹកសំអុយ។ បំពុលចំណុចនេះ មានលក្ខណៈងាយស្រួលក្នុងការត្រួតពិនិត្យ និងធ្វើប្រព្រឹត្តកម្មសម្អាតទឹកឡើងវិញ។

 \( \bullet \) ភពបំពុលរាយប៉ាយ គឺជាប្រភពដែលបង្កឱ្យមានការបំពុលដោយសារ សារធាតុបំពុលច្រើនកន្លែងហើយប្រមូលផ្ដុំសារធាតុទាំងនោះ រួចហូរចូលទៅក្នុងទឹកដូចជា ស្រះ អូរ ស្ទឹង និងទន្លេ។ ប្រភពរាយប៉ាយរួមមាន លំហូរកសិកម្ម ការបំផ្លាញព្រៃឈើ ទឹកកខ្វក់ចេញពីការជីករ៉ែ ការដ្ឋានសំណង់ និងលំនៅឋាន។ ដំណោះស្រាយល្អគឺអាស្រ័យលើការយល់ដឹងក្នុងកម្រិតខ្ពស់របស់បុគ្គល គ្រួសារ និងសហគមន៍។

៣. ឥទ្ធិពលនៃការបំពុលទឹក

          សព្វថ្ងៃធនធានទឹកសាបកំពុងទទួលរងការបំពុល ពីប្រភពសារធាតុបំពុលនានា ហើយក៏បានជះឥទ្ធិពលដល់មនុស្ស សត្វ និងរុក្ខជាតិដែលត្រូវការទឹក ជាពិសេសសារពាង្គកាយដែលរសនៅក្នុងទឹកតែម្ដង។ សារធាតុបំពុលទឹកសាបបានបង្កឱ្យមានគ្រោះថ្នាក់យ៉ាងខ្លាំងចំពោះមនុស្ស សត្វ និងរុក្ខជាតិដែលប្រើប្រាស់ទឹកនោះ។​