ពាក្យគន្លឹះ
· បដិវត្តន៍ ៖ ការផ្លាស់ប្តូរ ការប្រឆាំងរបបអ្វីមួយ ។
· ទណ្ឌកម្ម ៖ ការដាក់ទោស ឬពិន័យទៅលើប្រទេសប្រទេស មួយ ឬនរណាដែលបានធ្វើខុស ។
· លេស ៖ ឧបាយ ហេតុជាគ្រឿងអាង ឬហេតុបង្កសង្រ្គាម ។
· កុម្មុយនីស្ត ៖ អំណាចផ្តាច់ការ ។
· · ភាវូបនីយកម្ម ៖ ដែលធ្វើឱ្យប្រសើរ ។
· · ដូយម៉ឺយ ៖ កំណែទម្រង់នយោបាយ ។
· · សហគ្រិន ៖ ម្ចាស់សហគ្រាស។
· · ឥណ្ឌូចិន ៖ សំដៅលើអតីតប្រទេសក្រោមអាណានិគមបារាំងរួមមានកម្ពុជា ឡាវ និងវៀតណាម។
· · សច្ចាប័ន ៖ ការទទួលស្គាល់ពីប្រទេសណាមួយ ឬអង្គការណាមួយ ។
· · សមាហរណកម្ម ៖ ការរួមបញ្ចូលឱ្យនៅក្រោមការចាត់ការតែមួយ ។
· · សេរីភាវូបនីយកម្ម ៖ ជាដំណើរវិវត្តន៍នៅក្នុងចរន្តនៃការបង្កើតឡើងនូវប្រព័ន្ធសេដ្ឋកិច្ចសេរី
ឬការរួមបញ្ចូលអ្វីមួយឱ្យទៅជាអ្វីមួយថ្មីទៀត ដែលធ្វើឱ្យប្រសើរឡើង ។
+ បើយើងនិយាយពីបដិវត្តន៍រំដោះជាតិវៀតណាម តើគេគិតដល់វីរភាពអង់អាចក្លាហានរបស់អ្នកណា?
- បើយើងនិយាយពីបដិវត្តន៍រំដោះជាតិវៀតណាមគេគិតដល់វីរភាពអង់អាចក្លាហានរបស់ លោក ហូ ជីមិញ។
+ តើលោកហូ ជីមិញមានឈ្មោះកំណើតដូចម្តេច? 
- លោកហូ ជីមិញ មានឈ្មោះកំណើតថា ង្វៀន តឹតថាញ់។
+ តើពេលធ្វើបដិវត្តន៍លោកហូ ជីមិញដូរឈ្មោះទៅជាអ្វី?
- ពេលធ្វើបដិវត្តន៍លោកហូ ជីមិញដូរឈ្មោះទៅជាង្វៀន អាយកួក។
+ តើនៅឆ្នាំណាលោកហូ ជីមិញចូលបម្រើក្នុងបក្សកុម្មនីស្តបារាំង?
- នៅឆ្នាំ១៩២០លោកហូ ជីមិញចូលបម្រើក្នុងបក្សកុម្មុយនីស្តបារាំង។
+ តើលោកហូ ជីមិញជាប្រធានបក្សកុម្មុនីស្តឥណ្ឌូចិននៅថ្ងែទី ខែ ឆ្នាំណា?
- នៅថ្ងៃទី៣ ខែកុម្ភៈ ឆ្នាំ១៩៣០ លោកហូ ជីមិញ ជាប្រធានបក្សកុម្មុយនីស្តឥណ្ឌូចិន(កម្ពុជា វៀតណាម ឡាវ)
+ ចូរពណ៌នាពីព្រឹត្តិការណ៍ក្នុងឆ្នាំ ១៩៥៤។
- នៅឆ្នាំ១៩៥៤ លោកហូ ជីមិញបានដឹកនាំទ័ពវៀតណាមវាយបន្ទាយឌៀនបៀនភូរបស់បារាំងរហូតដល់បារាំង
ទទួលបរាជ័យ។ នៅឆ្នាំ១៩៥៤ បារាំងព្រមប្រគល់ឯករាជ្យឱ្យប្រទេសវៀតណាម។
+ តើលោកហូ ជីមិញស្លាប់នៅថ្ងៃ ខែ ឆ្នាំណា?
- លោកហូ ជីមិញ ស្លាប់នៅថ្ងៃទី៣ ខែកញ្ញា ឆ្នាំ១៩៦៩។
១. អាណានិគមនិយមបារាំង
១.១. ការមកដល់នៃអាណានិគមនិយមបារាំង
+ តើបារាំងបានចូលវាយលុកវៀតណាមនៅពេលណា?
- បារាំងបានចូលវាយលុកវៀតណាមនៅឆ្នាំ ១៨៥៩។
+ តើនៅឆ្នាំណាដែលវៀតណាមធ្លាក់នៅក្រោមការត្រួតត្រារបស់បារាំង?
- នៅឆ្នាំ១៨៨៥ វៀតណាមបានធ្លាក់នៅក្រោមការត្រួតត្រារបស់បារាំង។
+ តើបារាំងបានប្រើមធ្យោបាយបែបណា ដើម្បីចូលមកប្រទេសវៀតណាម?
- ដើម្បីចូលមកប្រទេសវៀតណាម បារាំងបានប្រើមធ្យោបាយដូចជា ៖
§ បញ្ជូនអ្នកផ្សព្វផ្សាយសាសនាទៅវៀតណាម
§ ដោយសារវៀតណាមធ្វើទារុណកម្មទៅលើបុព្វជិតសាសនាគ្រិស្ត
§ នាំឱ្យបារាំងធ្វើអន្តរាគមន៍ចូលក្នុងប្រទេសវៀតណាមដើម្បីជាលេសក្នុងការការពារជនរងគ្រោះនៅឆ្នាំ១៩៥៩ ។
+ តើក្រុមអ្នកផ្សព្វផ្សាយសាសនារបស់ទូតបារាំង បានធ្វើសកម្មភាពនៅក្នុងប្រទេសវៀតណាម
តាំងពីពេលណា?
- ក្រុមអ្នកផ្សព្វផ្សាយសាសនារបស់ទូតបារាំង បានធ្វើ សកម្មភាពនៅក្នុងប្រទេសវៀតណាមតាំងពីពាក់កណ្តាល
សតវត្សទី១៧មកម្ល៉េះ ។
១.២. ការប្រកាសឯករាជ្យពីបារាំង
+ តើពួកបារាំងវាយចូលត្រួតត្រាវៀតណាមឆ្នាំណា? តើប្រទេសវៀតណាមធ្លាក់នៅក្រោមការត្រួតត្រារបស់បារាំងនៅឆ្នាំណា ?
- ពួកបារាំងវាយចូលត្រួតត្រាវៀតណាមឆ្នាំ១៨៥៩
- ប្រទេសវៀតណាមធ្លាក់នៅក្រោមការត្រួតត្រារបស់បារាំងនៅឆ្នាំ១៨៨៥ ។
+ តើលោកហូជីមិញមានតួនាទីជាអ្វី?
- ហូជីមិញជា មេដឹកនាំចលនាតស៊ូរបស់បក្សកុម្មុយនីស្តឥណ្ឌូចិន និងជាប្រធានកុម្មុយនីស្តវៀតណាមបានតស៊ូប្រឆាំងនឹងពួកអាណានិគមនិយមបារាំងនិងជប៉ុនដើម្បីឯករាជ្យជាតិ។
+ តើលោកហូជីមិញបានប្រកាសឯករាជ្យពីបារាំងនៅថ្ងៃខែឆ្នាំណា? នៅឯណា ? ហេតុអ្វី ?
- លោកហូជីមិញបានប្រកាសឯករាជ្យពីបារាំងនៅថ្ងៃទី ២ កញ្ញា១៩៤៥
- នៅកណ្តាលទីលានបាឌិញ ក្នុងទីក្រុង ហាណូយ
- ព្រោះបារាំងចាញ់ជប៉ុន ។
+ ហេតុអ្វីបានជាបារាំងវិលមកត្រួតត្រាវៀតណាមវិញ?
- បានជាបារាំងវិលមកត្រួតត្រាវៀតណាមវិញ ដោយសារជប៉ុនចាញ់សង្រ្គាមលោកលើកទី២ ខែកញ្ញា ១៩៤៥ ។
+ តើវៀតណាមទទួលឯករាជ្យពីបារាំងនៅថ្ងៃខែឆ្នាំណា? ដោយសារអ្វី ?
- វៀតណាមទទួលឯករាជ្យពីបារាំងនៅថ្ងៃ ៧ មិថុនា ១៩៥៤ ។
បារាំងចុះចាញ់សង្រ្គាមនៅសមរភូមិឌៀនបៀនភូ ។
២. ដំណាក់កាលសង្គ្រាមប្រឆាំងនឹងអាមេរិក (១៩៦០-១៩៧០)
+ តើសង្គ្រាមនៅវៀតណាមជាសង្គ្រាមដូចម្ដេច?
- សង្គ្រាមនៅវៀតណាមជាសង្គ្រាម ដែលបង្ហូរឈាមរវាងជនជាតិតែមួយក្រោមឥទ្ធិពលនៃសង្រ្គាមត្រជាក់
របស់កំពូលមហាអំណាចពិភពលោកទាំងពីរគឺសូវៀត និងសហរដ្ឋអាមេរិក។
+ តើអាមេរិកបានដាក់ទណ្ឌកម្មដូចម្តេចលើវៀត ណាមខាងជើង? នៅឆ្នាំណា?
- នៅឆ្នាំ១៩៦៥អាមេរិកបានដាក់ទណ្ឌកម្មលើវៀតណាមខាងជើង ដោយធ្វើការទម្លាក់គ្រាប់បែក
យ៉ាងខ្លាំង។
+ តើប្រតិបត្តិការនេះមានឈ្មោះថាអ្វី? ហើយទិសដៅគឺអ្វី?
- ប្រតិបត្តិការនេះមានឈ្មោះថា«សម្រែកឆ្មាបា» ទិសដៅគឺ៖
- ចង់កម្ទេចភូមិករទីក្រុងនៃសាធារណរដ្ឋប្រជាធិបតេយ្យវៀតណាមឱ្យទៅជាផេះ។
+ តើសង្គ្រាមអាមេរិក និងវៀតណាម បានផ្ដល់ផលវិបាកអ្វីខ្លះ?
សង្គ្រាមអាមេរិក និងវៀតណាមខាងជើងបានផ្ដល់ផលវិបាកដូចជា៖
· ដីធ្លីត្រូវធ្លុះធ្លាយដោយរណ្ដៅគ្រាប់
· ឆេះខ្លោចក្លិនឈ្ងៀមដោយឈាម និងរំសេវ
· ធ្វើឱ្យកងទ័ពវៀតណាមស្លាប់៩០០ពាន់នាក់ របួស២លាននាក់រួមទាំងប្រជាជន១លាននាក់ត្រូវបាត់បង់ជីវិត
· វៀតណាមខាងត្បូងបាត់បង់ជីវិត២៥០ពាន់នាក់ របួស៦០០ពាន់នាក់ ៤លាននាក់ត្រូវរបួស។
+ តើអាមេរិកចាញ់សង្គ្រាមនៅឥណ្ឌូចិននៅក្នុងឆ្នាំណា?
- អាមេរិកចាញ់សង្គ្រាមនៅឥណ្ឌូចិននៅក្នុងឆ្នាំ១៩៧៥។
+ តើសង្រ្គាមនៅឥណ្ឌូចិនបណ្តាលមកពីមូលហេតុអ្វីខ្លះជាចម្បង? ឆ្នាំណា ?
- សង្រ្គាមនៅឥណ្ឌូចិនបណ្តាលមកពីមូលហេតុចម្បងគឺ
· ឥទ្ធិពលសង្រ្គាមត្រជាក់ (មនោគមន៍វិជ្ជា)
· ឆ្នាំ១៩៤៧-១៩៩០ ។
+ តើក្រោយសង្រ្គាមឆ្នាំ១៩៧៥ សេដ្ឋកិច្ចវៀតណាមត្រូវហ៊ុមព័ទ្ធដោយលោកខាងលិច ព្រោះអ្វី?
- ក្រោយសង្រ្គាមឆ្នាំ១៩៧៥ សេដ្ឋកិច្ចវៀតណាមត្រូវហ៊ុមព័ទ្ធដោយលោកខាងលិចព្រោះ វៀតណាមត្រូវរស់នៅដោយត្រូវកាត់ផ្តាច់ទំនាក់ទំនងពីពិភពខាងក្រៅ មានតែសហភាពសូវៀតប៉ុណ្ណោះដែលជួយដល់វៀតណាម ។
+ តើនៅពេលណាដែលអាមេរិក និងវៀតណាមបានចុះព្រមព្រៀង បើកផ្លូវធ្វើពាណិជ្ជកម្មជាមួយគ្នា?
- នៅពាក់កណ្ដាលឆ្នាំ ២០០០អាមេរិក និងវៀតណាមបានចុះព្រមព្រៀង បើកផ្លូវធ្វើពាណិជ្ជកម្មជាមួយគ្នា
- ការអនុម័តយល់ព្រមរបស់សហរដ្ឋអាមេរិកធ្វើឡើងនៅឆ្នាំ២០០១ ។
៣. ការកសាងលទ្ធិសង្គមនិយមនៅក្នុងកំណែទម្រង់ ដូយម៉ឺយ
+ តើសាធារណរដ្ឋសង្គមនិយមវៀតណាមបានប្រារព្ធបុណ្យខួប១០ ឆ្នាំនៃកំណែទម្រង់របស់ខ្លួននៅខែ ឆ្នាំណា?
- សាធារណរដ្ឋសង្គមនិយមវៀតណាមបានប្រារព្ធបុណ្យខួប១០ ឆ្នាំនៃកំណែទម្រង់របស់ខ្លួននៅខែធ្នូ ឆ្នាំ១៩៩៦
+ តើកំណែទម្រង់ដូយ ម៉ឺយមានន័យដូចម្ដេច? ចាប់ផ្តើមពីឆ្នាំណា ?
- កំណែរទម្រង់ដូយ ម៉ឺយមានន័យថា កំណែទម្រង់នយោបាយបែបថ្មី។
- (ម៉ឺយ=ថ្មី) ដូចជាពាក្យNEPដែរ (New Economic Politic)
- បង្កើតឡើងឆ្នាំ១៩៨៥ ។
+ តើដូយម៉ឺយបានកំណត់កម្មវិធីនយោបាយថ្មីដូចម្តេចខ្លះ?
- ដូយម៉ឺយបានកំណត់កម្មវិធីនយោបាយថ្មីដូចជា៖
- ទំនាក់ទំនងអន្តរជាតិល្អ ដកខ្លួនចេញពីការដាក់ទណ្ឌកម្មសេដ្ឋកិច្ច
- កំណែទម្រង់រ៉ាឌីកាល់ទៅលើរចនាសម្ព័ន្ធសេដ្ឋកិច្ចទាំងស្រុង
- បើកទ្វារផ្តល់លទ្វភាពដល់សហគ្រិនធ្វើសកម្មភាពនៅក្នុងប្រព័ន្ធសេដ្ឋកិច្ចផ្សារសេរី។
+តើដួយម៉ឺយមានគោលការណ៍ជាមូលដ្ឋានយ៉ាងណាខ្លះ ដើម្បីអភិវឌ្ឍសេដ្ឋកិច្ចវៀតណាម?
- ដើម្បីអភិវឌ្ឍសេដ្ឋកិច្ចវៀតណាម ដួយម៉ឺយមានគោលការណ៍ជាមូលដ្ឋានដូចជា ៖
ក. វិស័យសេដ្ឋកិច្ច
· · បើកសេដ្ឋកិច្ចទីផ្សារសេរី
· · បើកចំហជើងមេឃឱ្យពួកវិនិយោគទុនបរទេសចូលមករកស៊ី
· · បង្កើនផលិតផលកសិកម្ម
· · បើកសិទ្ធិឱ្យពួកសហគ្រិនបើករោងចក្រ
ខ. វិស័យនយោបាយ
· · មិន ប្រកាន់និន្នាការនយោបាយសេរី ឬសង្គមនិយមទទួលស្វាគមន៍ទាំងអស់ ។
៤. ប្រទេសវៀតណាមបច្ចុប្បន្ន
+ ក្រោយចាញ់សង្គ្រាមនៅវៀតណាម តើអាមេរិកបានដាក់ទណ្ឌកម្មវៀតណាមទៅលើផ្នែកអ្វីខ្លះ?
- ក្រោយចាញ់សង្គ្រាមនៅវៀតណាម អាមេរិកបានដាក់ទណ្ឌកម្មវៀតណាមទៅលើ៖
· ផ្នែកនយោបាយ
· និងសេដ្ឋកិច្ច។
+ តើសហអាមេរិកបានអនុញ្ញាតឱ្យវៀតណាមនាំទំនិញចូលអាមេរិក និងអឺរ៉ុបខាងលិចនៅឆ្នាំណា? ឯការទូតដូចម្តេច ?
- សហអាមេរិកបានអនុញ្ញាតឱ្យវៀតណាមនាំទំនិញចូលអាមេរិក និងអឺរ៉ុបខាងលិចនៅឆ្នាំ១៩៩៤ ។
- ឯការទូតយ៉ាងល្អប្រសើរជាមួយអាមេរិក ។
+ តើប្រធានាធិបតីអាមេរិកប៊ីល គ្លីនតុន មកធ្វើទស្សនកិច្ចប្រទេសវៀតណាមនៅឆ្នាំណា? ដើម្បីអ្វី ?
- ប្រធានាធិបតីអាមេរិក ប៊ីល គ្លីនតុន មកធ្វើទស្សនកិច្ចប្រទេសវៀតណាមខាងជើងជាលើកទី១ នៅឆ្នាំ ២០០០
- ដើម្បីរឹតចំណងការទូតឱ្យកាន់តែប្រសើរជាងមុន ។
+ តើលោក ចច ប៊ូស មកធ្វើទស្សនកិច្ចនៅប្រទេសវៀតណាមនៅឆ្នាំណា? ដើម្បីអ្វី?
- លោក ចច ប៊ូស មកធ្វើទស្សនកិច្ចនៅប្រទេសវៀតណាមនៅឆ្នាំ ២០០៦
- ដើម្បីបញ្ចូលប្រទេសវៀតណាមក្នុងអង្គការពាណិជ្ជកម្មពិភពលោក ។
+តើប្រទេសវៀតណាមបានចូលជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខរបស់អង្គការសហប្រជាជាតិ
នៅខែឆ្នាំណា ?
- ប្រទេសវៀតណាមបានចូលជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខរបស់អង្គការសហប្រជាជាតិ
នៅខែមករា ឆ្នាំ២០០៧ ។
+ នៅក្នុងសមាគមអាស៊ាន តើប្រទេសវៀតណាមបានធ្វើសកម្មភាពអ្វីខ្លះ?
- នៅក្នុងសមាគមអាស៊ាន ប្រទេសវៀតណាមបានធ្វើសកម្មភាពយ៉ាងខ្លាំងក្លាក្នុងការបញ្ចូលប្រទេសឡាវ កម្ពុជា និងមីយ៉ាន់ម៉ាឱ្យចូលជាសមាជិកអាស៊ាន ។
+ តើវៀតណាមបានដើរតាមមាគ៌ាអភិវឌ្ឍ របស់ប្រទេសណា? អ្វីខ្លះ ?
- វៀតណាមបានដើរតាមមាគ៌ាអភិវឌ្ឍរបស់ប្រទេសចិន គឺសេដ្ឋកិច្ចសេរីកុម្មុយនីស្តនយោបាយ
សេរីភាវូបនីយកម្ម ។
+ តើបច្ចុប្បន្នប្រទេសវៀតណាមទទួលបានជោគជ័យលើវិស័យ អ្វីខ្លះ?
- បច្ចុប្បន្នប្រទេសវៀតណាមទទួលបានជោគជ័យលើវិស័យដូចជា៖
· កសិកម្ម
· ពាណិជ្ជកម្ម
· ទេសចរណ៍ និងនយោបាយ ។