(ជ៣)មេរៀនទី១៖ (មេរៀនសង្ខេប) ប្រទេសឥណ្ឌូណេស៊ី

ពាក្យគន្លឹះ

·         ·​​     អន្តោប្រវេស្តន៍ ៖ ដំណើរដែលជនបរទេសចូលមកតាំងលំនៅក្នុងប្រទេសណាមួយ ដោយប្រាកដ ។

·         ·     ពាណិជ្ចករ      ៖ អ្នកជំនួញ, អ្នករកស៊ី។

·         ·     សេវាកម្ម       ៖ ទទួលការបម្រើ។

·         ·     អតិផរណា     ៖ រូបិយវត្ថុចុះថោក ការឡើងថ្លៃនៃមុខទំនិញ។

·         ·     ឯកតោភាគី    ៖ តែម្ខាង ភាគីតែមួយ ឬបក្សពួកតែមួយ ។

·         ·     ពន្ធនាគារ      ៖ កន្លែងឃុំឃាំងអ្នកទោស ។

·         ·     រដ្ឋប្រហារ      ៖ ការវាយរំលំអ្នកគ្រប់គ្រងរដ្ឋដែលខ្លួនមិនពេញចិត្តដើម្បីកាន់កាប់អំណាចខ្លួនឯង ។

·         ·    ក្រុមហ៊ុនឥណ្ឌាខាងកើត       ៖ ក្រុមហ៊ុនមួយដែលមានគោលបំណងចម្បងគឺការធ្វើពាណិជ្ជកម្មរុករក

                                និងអាណានិគម ។

·         ·     អាណានិគម   ៖ ស្រុកចំណុះ ឬការដាក់នឹមត្រួតត្រាទៅលើរដ្ឋ ឬប្រទេសដទៃ ។

·         ·     វរជន          ៖ ជនប្រសើរ ។

·         ·     គ្រឿងទេស    ៖ គ្រឿងសម្រាប់បរិភោគ ។

១. ស្ថានភាពភូមិសាស្រ្ត និងប្រជាជន

Ø តើប្រទេសឥណ្ឌូណេស៊ីមានកម្រងកោះចំនួនប៉ុន្មាន? ហើយលាតសន្ធឹងតាមបណ្ដោយខ្សែអេក្វាទ័រ ប្រវែងប៉ុន្មានគម?                    

Fប្រទេសឥណ្ឌូណេស៊ីមានកម្រងកោះចំនួនប្រហែល១៧៥០៨ ហើយលាតសន្ធឹងតាមបណ្ដោយខ្សែអេក្វាទ័រប្រវែង៥១៥០គម។

Ø តើប្រទេសនេះមានកោះធំៗចំនួនប៉ុន្មាន? អ្វីខ្លះ?

Fប្រទេសនេះមានកោះធំៗចំនួន ៤ដូចជា៖

• សេឡែប

• ជ្វា

• បរនេអូ

• ស៊ូម៉ាត្រា

Ø តើប្រទេសនេះមានព្រំប្រទល់ជាប់ និងមហាសមុទ្រប៉ុន្មាន? អ្វីខ្លះ?  

Fប្រទេសនេះមានព្រំប្រទល់ជាប់ និងមហាសមុទ្រ ២គឺ៖

• ឥណ្ឌា

• ប៉ាស៊ីហ្វិក

Ø តើប្រទេសឥណ្ឌូណេស៊ីមានក្រុមជនជាតិនិយាយភាសាផ្សេងៗចំនួនប៉ុន្មាន?ហើយមានវប្បធម៌ផ្ទាល់ខ្លួនដែរឬទេ?                       

Fប្រទេសឥណ្ឌូណេស៊ីមានក្រុមជនជាតិនិយាយភាសារផ្សេងៗ ជាង៣០០ភាសាហើយព្រមទាំងមានវប្បធម៌ផ្ទាល់ខ្លួនផងដែរ។

Ø ចូរប្អូនរាប់រដ្ឋពីរដែលស្ថិតនៅប្រជុំកោះឥណ្ឌូណេស៊ី។

F រដ្ឋពីរដែលស្ថិតនៅប្រជុំកោះឥណ្ឌូណេស៊ីមានដូចជា៖

• រដ្ឋនៅតំបន់ឆ្នេរ

• រដ្ឋនៅតំបន់កោះ

Ø តើរដ្ឋនៅតំបន់ឆ្នេរស្ថិតនៅឯណា? មានលក្ខណ:ដូចម្ដេច?

F រដ្ឋនៅតំបន់ឆ្នេរស្ថិតនៅតាមពាម តាមទន្លេប្រកបដោយផែល្អៗចាកផុតពីគ្រោះថ្នាក់ទាំងពួង ហើយមាន

ការពឹងពាក់លើពាណិជ្ជកម្មតាមតំបន់ និងអន្តរជាតិ។

Ø តើរដ្ឋកោះភាគច្រើនពឹងផ្អែកលើផលិតផលអ្វី?       

Fរដ្ឋកោះភាគច្រើនពឹងផ្អែកលើផលិតផល កសិកម្មគ្រប់បែបយ៉ាងដែលបានមកពីបន្ទុះភ្នំភ្លើង(ដីក្រហម)និងតំបន់ដីល្បាប់។

២. ស្ថានភាពសេដ្ឋកិច្ចក្នុងសម័យអាណានិគមហូឡង់

២.១. វិស័យពាណិជ្ជកម្ម

Ø តើពួកហូឡង់ ព័រទុយកាល់ និងអង់គ្លេស មកដាក់អាណានិគមនៅអាស៊ីអាគ្នេយ៍នៅស.វ.ទីប៉ុន្មាន ? ដើម្បីអ្វី ?                            

Fពួកហូឡង់ ព័រទុយកាល់ និងអង់គ្លេស មកដាក់អាណានិគមនៅអាស៊ីអាគ្នេយ៍នៅស.វ.ទី១៧ ដើម្បីប្រមូលគ្រឿងទេសទៅអឺរ៉ុប និងបង្កើតក្រុមហ៊ុនឥណ្ឌាខាងកើត ។

Ø តើការធ្វើពាណិជ្ជកម្មផ្តាច់មុខរបស់ពួកហូឡង់ធ្វើឱ្យប៉ះពាល់អ្វី?      

Fការធ្វើពាណិជ្ជកម្មផ្តាច់មុខរបស់ពួកហូឡង់ធ្វើឱ្យប៉ះពាល់សេដ្ឋកិច្ចនៅប្រជុំកោះឥណ្ឌូណេស៊ីយ៉ាងខ្លាំង។

Ø តើក្រោមការគ្រេប់គ្រងរបស់ពួកហូឡង់ធ្វើឱ្យប្រទេសឥណ្ឌូណេស៊ីទទួលបានអ្វីខ្លះ?  

F ក្រោមការគ្រប់គ្រងរបស់ពួកហូឡង់ធ្វើឱ្យប្រទេសឥណ្ឌូណេស៊ីទទួលបានដូចជា៖

• ផ្នែកសេដ្ឋកិច្ចនៅកោះសូម៉ាត្រា ក្នុងរយៈពេលជា៣០ឆ្នាំដំបូងមានការផ្លាស់ប្តូរគួរឱ្យកត់សម្គាល់។

• សូម៉ាត្រាក្លាយជាអ្នកផ្គត់ផ្គង់ថ្នាំជក់ដ៏ធំបំផុតនិងមានគុណភាពល្អដាច់គេនៅក្នុងចំណោមប្រទេស

ផ្គត់ផ្គង់ថ្នាំជក់លើពិភពលោក។

• ពេលដែលរកឃើញប្រេងកាតនាទសវត្សរ៍ឆ្នាំ ១៩២០ ទឹកដីសូម៉ាត្រាបានក្លាយជាទីតាំងក្រុមហ៊ុន

ប្រេងសែលភូមិន្ទរបស់ហូឡង់។

២.២.  ផលវិបាកនៃកំណើនប្រជាជនទីក្រុង

Ø  តើនៅមុនឆ្នាំ១៩១០ កោះជ្វាជួបវិបត្តិអ្វីខ្លះ ?

Fនៅមុនឆ្នាំ១៩១០ កោះជ្វាជួបវិបត្តិដូចជា៖

·         កំណើនពលរដ្ឋចំណូលថ្មី

·         គ្រោះទឹកជំនន់

·         ជំងឺគ្រុនចាញ់

·         និងជំងឺរាតត្បាតផ្សេងៗ ។

Ø តើរដ្ឋាភិបាលឥណ្ឌូណេស៊ីបានដោះស្រាយយ៉ាងដូចម្ដេចចំពោះផលវិបាកនេះ?       

-  រដ្ឋាភិបាលឥណ្ឌូណេស៊ីគ្មានមធ្យោបាយសម្រាប់ដោះស្រាយផលវិបាកនេះទេ។

Ø  តើជីវភាពរស់នៅរបស់ប្រជាជនឥណ្ឌូណេស៊ីនៅឆ្នាំ១៩២០ ដល់១៩៧០ដូចម្តេច ?

ចំ. ជីវភាពរស់នៅរបស់ប្រជាជនឥណ្ឌូណេស៊ីនៅឆ្នាំ១៩២០ ដល់ ១៩៧០ កាន់តែលំបាកឡើងៗ ។

Ø  តើផលវិបាកនៃកំណើនប្រជាជនទីក្រុងមានអ្វីខ្លះ ?

ចំ. ផលវិបាកនៃកំណើនប្រជាជនទីក្រុងមានដូចជា ៖

·         ·    រងគ្រោះដោយសារជំងឺគ្រុនចាញ់និងជំងឺរាតត្បាតផ្សេងៗ

·         ·    រដ្ឋាភិបាលអាណានិគមគ្មានគោលនយោបាយច្បាស់លាស់ក្នុងការពិនិត្យ

·         ·    និងដោះស្រាយវិបត្តិចំពោះមុខនេះបានឡើយ ។

·         ·    ជីវភាពប្រជាជនឥណ្ឌូណេស៊ីកាន់តែលំបាកឡើងចាប់ពីឆ្នាំ១៩២០ ដល់ ១៩៧០ ។

២.៣.  វិស័យវប្បធម៌

Ø តើពួកហូឡង់បាននាំនូវរបៀបអប់រំបែបអ្វីដល់ប្រទេសឥណ្ឌូណេស៊ី ? ដើម្បីអ្វី ?      

Fពួកហូឡង់បាននាំមកនូវរបៀបអប់រំបែបបស្ចឹមប្រទេសដើម្បីផ្តល់នូវជំនាញចាំបាច់មួយចំនួនក្នុង ការប្រើប្រាស់សេដ្ឋកិច្ច អាណានិគមដែលកំពុងតែរីកសាយ។

Ø តើសាលារៀនល្អៗបានប្រើប្រាស់ភាសាអ្វី?

Fសាលារៀនល្អៗបានប្រើ់ប្រាស់ភាសា ហូឡង់។

Ø តើកូនរបស់អ្នកណាដែលអាចចូលរៀនបាន?

F កូនរបស់ វីរជន និងកូនមន្រ្តីរដ្ឋាភិបាលទើបអាចចូលរៀនបាន។

៣. ឥណ្ឌូណេស៊ីក្នុងសម័យអាណានិគមជប៉ុន និងហូឡង់(ជាថ្មី)

៣.១. ក្រោមរបបគ្រប់គ្រងជប៉ុន និងការប្រកាសឯករាជ្យ

Ø តើពួកជប៉ុនចូលមកត្រួតត្រាឥណ្ឌូណេស៊ីនៅក្នុងឆ្នាំណា?   

Fពួកជប៉ុនចូលមកត្រួតត្រាឥណ្ឌូណេស៊ីនៅក្នុងឆ្នាំ១៩៤២។

Ø តើពេលមកដល់ដំបូងជប៉ុនបានទទួលស្វាគមន៍ពីប្រជាជនឥណ្ឌូណេស៊ីដែរឬទេ? ព្រោះអ្វី?

Fពេលមកដល់ដំបូងជប៉ុនបានទទួលស្វាគមន៍ពីប្រជាជនឥណ្ឌូណេស៊ីដោយពួកគេបានទទួលឯករាជ្យពីហូឡង់ថែមទាំងជក់ចិត្តយ៉ាងខ្លាំងនឹងពាក្យស្លោករបស់ជប៉ុនដែលថា(ជប៉ុនគឺជាពន្លឺរស្មីនៃអាស៊ី)។

Ø តើទីបំផុតប្រជាជនឥណ្ឌូណេស៊ីស្គាល់ច្បាស់ពីឥរិយាបថជប៉ុនដូចម្ដេច?     

Fទីបំផុតប្រជាជនឥណ្ឌូណេស៊ីស្គាល់ច្បាស់ពីឥរិយាបថជប៉ុនដោយយល់ ថាពួគគេជាអ្នករងគ្រោះពីការគំរាមកំហែង ប្រមាថមាក់ងាយបំផុតពីពួកជប៉ុនទៅវិញ។

Ø តើក្រោមការគ្រប់គ្រងរបស់ជប៉ុនឥណ្ឌូណេស៊ីទទួលបានអ្វីខ្លះ?     

Fក្រោមការគ្រប់គ្រងរបស់ជប៉ុន ឥណ្ឌូណេស៊ី ទទួលបាន៖ 

• ការគ្រប់គ្រងរដ្ឋបាលមានកម្រិតខ្ពស់ដែលពួកគេមិនធ្លាប់មាន

• ហាមប្រើភាសាហូឡង់ពេលជប៉ុនគ្រប់គ្រង

• ប្រមូលផ្ដុំយុវជនឥណ្ឌូណេស៊ីក្នុងការហ្វឹកហាត់ផ្នែកយោធាដើម្បីជួយច្បាំងជប៉ុនទប់ទល់ និងពួកហូឡង់

• ដោះលែងមេដឹកនាំអ្នកជាតិនិយម។

៣.២.  អាណានិគមហូឡង់លើកទី២

Ø តើសាធារណរដ្ឋឥណ្ឌូណេស៊ីចាប់បដិសន្ធិឡើងនៅថ្ងៃ ខែ ឆ្នាំណា?

Fសាធារណរដ្ឋឥណ្ឌូណេស៊ីចាប់បដិសន្ធិឡើងនៅថ្ងៃទី ១៧ ខែសីហា ឆ្នាំ១៩៤៥។

Ø តើពួកហូឡង់បានចាប់ផ្តើមដំណើរការគ្រប់គ្រងប្រទេសឥណ្ឌូណេស៊ីជាថ្មីនៅឆ្នាំណា?

Fពួកហូឡង់បានចាប់ផ្តើមដំណើរការគ្រប់គ្រងប្រទេសឥណ្ឌូណេស៊ីជាថ្មីនាពាក់កណ្ដាលឆ្នាំ ១៩៤៦។

Ø តើកិច្ចព្រមព្រៀងនៅខែធ្នូ ឆ្នាំ១៩៤៩បានសម្រេច អំពីអ្វី?

F នៅខែធ្នូ ឆ្នាំ១៩៤៩ កិច្ចព្រមព្រៀងមួយត្រូវបានសម្រេចឡើងជាចុងក្រោយរវាងសាធារណរដ្ឋឥណ្ឌូណេស៊ី និងហូឡង់ ដែលជាការបញ្ចប់សង្រ្គាម និងការបញ្ចប់របបគ្រប់គ្រងអាណានិគមនិយមហូឡង់។

៤. ឥណ្ឌូណេស៊ីក្រោយឯករាជ្យ

Ø តើទាហានជាន់ទាបមួយក្រុមធ្វើរដ្ឋប្រហារទម្លាក់រដ្ឋាភិបាលឥណ្ឌូណេស៊ី ដែលដឹកនាំដោយឧត្តមសេនីយស៊ូហារតូនៅថ្ងៃ ខែ ឆ្នាំណា?   

Fទាហានជាន់ទាបមួយក្រុមធ្វើរដ្ឋប្រហារទម្លាក់  រដ្ឋាភិបាលឥណ្ឌូណេស៊ី ដែលដឹកនាំដោយឧត្តមសេនីយស៊ូហារតូនៅថ្ងៃទី៣០ ខែកញ្ញា ឆ្នាំ១៩៦៥។

Ø តើការធ្វើរដ្ឋប្រហារនេះក្នុងបំណងអ្វី?        

Fការធ្វើរដ្ឋប្រហារនេះ ក្នុងបំណងផ្លាស់ប្តូរជាថ្មីនូវរចនាសម្ព័ន្ធ និងការរៀបចំនយោបាយឥណ្ឌូណេស៊ី។ពួកគេហៅរដ្ឋាភិបាលរបស់ខ្លួនថា(ចំណាត់ការថ្មី)ផ្ទុយគ្នានឹង (របៀបចំណាត់ការចាស់)របស់លោកប្រធានាធិបតីស៊ូកាណូ។

Ø តើដំបូងនាឆ្នាំ១៩៦៥រដ្ឋាភិបាល(រៀបចំថ្មី)របស់ប្រធានាធិបតីស៊ូហារតូមានវិបត្តិអ្វីកើតឡើងខ្លះ?   

Fដំបូងនាឆ្នាំ១៩៦៥រដ្ឋាភិបាល(រៀបចំថ្មី)របស់ប្រធានាធិបតីស៊ូហារតូមានវិបត្តិសេដ្ឋកិច្ចកើតឡើងអតិផរណា ហេដ្ឋារចនាសម្ព័ន្ធសង្គមទន់ខ្សោយ និងសេដ្ឋកិច្ចធ្លាក់ស្រុតចុះយ៉ាងខ្លាំង។

Ø តើរយៈពេលប៉ុន្មានឆ្នាំ ទើបសេដ្ឋកិច្ចមានលំនឹងទទួលលទ្ធផលល្អប្រសើរឡើងវិញ?  

Fក្នុងរយៈពេលជិត៣០ឆ្នាំក្រោយមកទើបសេដ្ឋកិច្ចមានលំនឹងទទួលលទ្ធផលល្អប្រសើរឡើង  វិញ។

Ø  តើដល់ឆ្នាំណាទើបសេដ្ឋកិច្ចឥណ្ឌូណេស៊ីរីកចម្រើនឡើងវិញ ? ព្រោះអ្វី ?

Fសេដ្ឋកិច្ចឥណ្ឌូណេស៊ីរីកចម្រើនឡើងវិញក្នុងឆ្នាំ១៩៨៣ ព្រោះរដ្ឋាភិបាលដោះស្រាយគោលនយោបាយកសិកម្ម ។

Ø តើឥណ្ឌូណេស៊ីជាប្រទេសដែលនាំចេញនូវទំនិញអ្វីខ្លះ?     

Fឥណ្ឌូណេស៊ីបាននាំចេញវាយនភ័ណ្ឌ គ្រឿងអលង្ការកែច្នែ សម្លៀកបំពាក់ និងសេវាកម្ម។

Ø តើវិស័យឧស្សាហកម្មឥណ្ឌូណេស៊ីមានការរីកចម្រើនដែរឬទេ ? តើប្រទេសនេះនាំចេញអ្វីខ្លះ ?

F វិស័យឧស្សាហកម្មឥណ្ឌូណេស៊ីមានការរីកចម្រើន។ ប្រទេសនេះនាំចេញវាយនភ័ណ្ឌ គ្រឿងអលង្ការកែច្នៃ

សម្លៀកបំពាក់ និងសេវាកម្ម ។

 Ø តើសេដ្ឋកិច្ចឥណ្ឌូណេស៊ីពឹងផ្អែកលើវិស័យអ្វីខ្លះ ? ចូររៀបរាប់ពីវិស័យនីមួយៗ ។

Fសេដ្ឋកិច្ចឥណ្ឌូណេស៊ីពឹងផ្អែកលើវិស័យដូចជា ៖

v  វិស័យកសិកម្ម

·         ·    ធ្វើស្រែពង្រីកផ្ទៃដីដាំដុះពី៨លានហិកតាទទួលផលពី ៣ ទៅ ៥តោនក្នុងមួយហិកតា

·         ·    ការនាំចេញឈើមូលជាប់ចំណាត់ថ្នាក់លេខ១លើពិភពលោក

·         ·    ការនាំចេញកៅស៊ូជាប់ចំណាត់ថ្នាក់លេខ១លើពិភពលោក

·         ·    ការនាំចេញក្តារបន្ទះ១២ពាន់ម៉ែត្រគូបក្នុង១ឆ្នាំស្មើនឹង២%នៃការនាំចេញលើពិភពលោក (១៩៧៤)

·         ១៩៩០ នាំចេញក្តារបន្ទះ៤៤៣ពាន់ម៉ែត្រគូប ស្មើនឹង៥២%នៃការនាំចេញលើពិភពលោក ។

v  វិស័យឧស្សាហកម្ម

·         ·    មានរ៉ែធម្មជាតិ ប្រេងកាត នីកែល សំណ ធ្យូងថ្ម ស្ពាន់ អ៊ុយរ៉ាញូម

·         ·    នាំចេញប្រងកាតនិងឧស្ម័នធម្មជាតិ ។