ពាក្យគន្លឹះ
· អាស៊ាន(ASEAN) ៖ ជាអង្គការសមាគមន៍ប្រជាជាតិអាស៊ីអាគ្នេយ៍។
· សមភាព ៖ ភាពស្មើគ្នា ។
· បូរណភាព ៖ ភាពពេញគ្រាប់គ្រាន់ ការពេញឥតខ្វះកន្លះ ។
· ស្ថិរភាព ៖ ភាពឋិតថេរ ។
· នយោបាយ ៖ កលល្បិចឬមេគំនិតដែលផ្តើមឡើងដើម្បីដឹកនាំជនដទៃឱ្យប្រព្រឹត្តទៅរក
ទិសដៅអ្វីមួយ ។
· សង្គ្រាមត្រជាក់ ៖ ជាឈ្មោះសង្គ្រាមមនោគមវិជ្ជាដែលចាប់ផ្ដើមពីឆ្នាំ ១៩៤៧-១៩៩០
ការប្រឈមមុខដាក់គ្នារវាងអាមេរិកនិងសូវៀត។
· និមិត្តសញ្ញា ៖ សញ្ញាសម្គាល់ ។
· ពាណិជ្ជកម្ម ៖ ការធ្វើជំនួញ ការបណ្តាក់ទុនរកស៊ី ។
Ø តើអង្គការសមាគមប្រជាជាតិអាស៊ីអាគ្នេយ៍ហៅកាត់ថា អាស៊ាន បង្កើតឡើងដើម្បីអ្វី?
Fសមាគមប្រជាជាតិអាស៊ីអាគ្នេយ៍ហៅកាត់ថា អាស៊ាន បង្កើតឡើងដើម្បីធ្វើសហប្រត្តិបត្តិការគ្នាក្នុងតំបន់
ដើម្បីពង្រឹងសន្តិសុខ រក្សាសន្តិភាព។
១. ប្រវត្តិអាស៊ាន
Ø តើអាស៊ានត្រូវបានចូលរួមបង្កើតឡើងដោយប្រទេសចំនួនប៉ុន្មាន? តើមានប្រទេសណាខ្លះ?
Fអាស៊ានត្រូវបានចូលរួមបង្កើតឡើងដោយប្រទេស ចំនួន៥ នៅទីក្រុងបាងកក ហើយមានប្រទេសឥណ្ឌូណេស៊ី ម៉ាឡេស៊ី សិង្ហបុរី
ថៃ និង ហ្វីលីពីន ។
Ø តើអាស៊ានត្រូវបានបង្កើតឡើងនៅថ្ងៃខែឆ្នាំណា?
Fអាស៊ានត្រូវបានបង្កើតឡើងនៅថ្ងៃទី០៨ ខែសីហា ឆ្នាំ១៩៦៧។
Ø ក្រៅពីប្រទេសអាស៊ានទាំង៥ដែលជាអ្នកបង្កើតសមាគមអាស៊ាន តើនៅប្រទេសណាទៀតដែលបានចូលជាសមាជិកជាបន្តបន្ទាប់ទៀត? ចូរបញ្ជាក់ពីកាលបរិច្ឆេទផង។
Fក្រៅពីប្រទេសអាស៊ានទាំង៥ដែលជាអ្នកបង្កើតសមាគមអាស៊ាន នៅប្រទេសដែលបានចូលជាសមាជិក
ជាបន្តបន្ទប់ទៀតគឺ ៖
· ប្រទេសព្រុយណេ(៨ មករា ១៩៨៤)
· ប្រទេសវៀតណាម(២៨ កក្កដា ១៩៩៥)
· ប្រទេសឡាវ (២៣ កក្កដា ១៩៩៧)
· ប្រទេសមីយ៉ាន់ម៉ា (២៣ កក្ដដា ១៩៩៧)
· ប្រទេសកម្ពុជា (៣០ មេសា ១៩៩៩)
· ទីម័រខាងកើត និងប៉ាពូញូគីនេបានត្រៀមខ្លួនចូលជាសមាជិកអាស៊ាននៅពេលខាងមុខ។
២. និមិត្តសញ្ញាអាស៊ាន និងទង់ជាតិប្រទេសសមាជិកអាស៊ាន
Ø តើទង់ជាតិអាស៊ាន ពណ៏ខៀវតំណាងឱ្យអ្វី?
Fទង់ជាតិអាស៊ាន ពណ៌ខៀវតំណាងឱ្យសន្តិភាព និងស្ថិរភាព។
Ø តើពណ៌ក្រហមតំណាងឱ្យអ្វី?
Fពណ៌ក្រហម តំណាងឱ្យសេចក្តីក្លាហាន និងស្វាហាប់។
Ø តើពណ៌សតំណាងឱ្យអ្វី?
Fពណ៌ស តំណាងឱ្យភាពបរិសុទ្ធ និងស្មោះត្រង់។
Ø តើពណ៌លឿងតំណាងឱ្យអ្វី?
Fពណ៌លឿង តំណាងឱ្យភាពសម្បូររុងរឿង។
Ø តើពណ៌ដើមស្រូវទាំង១០តំណាងឱ្យអ្វី?
Fពណ៌ដើមស្រូវទាំង១០ តំណាងឱ្យសុបិនរបស់បិតាបង្កើតអាស៊ានដែលចង់ប្រមូលផ្តុំប្រទេស១០នៅអាស៊ីអាគ្នេយ៍ឱ្យក្លាយទៅជាសមាគមមួយដែលមានសាមគ្គីភាព។
Ø តើពណ៌ទាំងអស់របស់ទង់អាស៊ានតំណាងឱ្យអ្វី?
Fពណ៌ទាំងអស់របស់ទង់អាស៊ាន តំណាងឱ្យពណ៌នៃទង់ជាតិរបស់ប្រទេសជាសមាជិកទាំងអស់។
Ø តើទង់អាស៊ានតំណាងឱ្យអ្វី?
Fទង់អាស៊ាន តំណាងឱ្យសមាគមអាស៊ានមួយដែលមានស្ថិរភាព និងសន្តិភាព។
៣.មូលហេតុនៃការបង្កើតអាស៊ាន
Ø ចូរបង្ហាញពីមូលហេតុសំខាន់ៗនៃការបង្កើតអាស៊ាន។
Fមូលហេតុសំខាន់ៗនៃការបង្កើតអាស៊ានគឺ៖
· ប្រមូលផ្តុំទីផ្សារអាស៊ីអាគ្នេយ៍ដើម្បីធ្វើការអភិវឌ្ឍរួមគ្នា និងដើម្បីធ្វើការប្រកួតប្រជែងលើទីផ្សារ
អន្តរជាតិ
· ធ្វើសហប្រត្តិបត្តិការក្នុងតំបន់ ដោយឈរលើស្មារតីស្មើភាពគ្នាលើវិស័យសេដ្ឋកិច្ច។
៤. ការបង្កើតតំបន់សន្តិភាពសេរី និងអព្យាក្រឹត ZOPFAN
Ø តើតំបន់សន្តិភាពសេរី និងអព្យាក្រឹតបង្កើតនៅថ្ងៃទី ខែ ឆ្នាំណា? 
Fតំបន់សន្តិភាពសេរី និងអព្យាក្រឹតបង្កើតឡើងនៅថ្ងៃទី២៧ ខែវិច្ឆិកា ឆ្នាំ១៩៧១។
Ø តើតំបន់សន្តិភាពសេរី និងអព្យាក្រឹតបង្កើតនៅឯណា?
Fតំបន់សន្តិភាពសេរី និងអព្យាក្រឹតបង្កើតនៅ ទីក្រុង កូឡាឡាំពួ។
Ø តើតំបន់សន្តិភាពសេរី និងអព្យាក្រឹតបង្កើតឡើងក្នុងគោលបំណងអ្វី?
Fតំបន់សន្តិភាពសេរី និងអព្យាក្រឹតបង្កើតឡើងក្នុងគោលបំណងដូចជា៖
· រក្សាតំបន់អាស៊ីអាគ្នេយ៍ជាតំបន់សន្តិភាពសេរីភាព និងអព្យាក្រឹត
· ពង្រឹងសាមគ្គីភាព និងមិត្តភាពរវាងគ្នានឹងគ្នា
· បន្ធូរភាពតានតឹងអន្តរជាតិ ដើម្បីសន្តិភាពយូរអង្វែង
· បូរណភាពទឹកដីដោះស្រាយទំនាស់ដោយសន្តិវិធី មិនជ្រៀតជ្រែកកិច្ចការក្នុងប្រទេសផ្សេងៗ។
៥. សន្ធិសញ្ញាមិត្តភាព និងសហប្រតិ្តបត្តិការ (TAC)
Ø តើសន្ធិសញ្ញាមិត្តភាព និងសហប្រតិ្តបត្តិការ(TAC) បង្កើតឡើងនៅឯណា? 
Fសន្ធិសញ្ញាមិត្តភាព និងសហប្រតិ្តបត្តិការ(TAC)បង្កើតឡើង
នៅលើ កោះបាលី ប្រទេសឥណ្ឌូណេស៊ី។
Ø តើសន្ធិសញ្ញាមិត្តភាព និងសហប្រតិ្តបត្តិការ(TAC)បង្កើតឡើងនៅថ្ងៃទី ខែ ឆ្នាំណា?
Fសន្ធិសញ្ញាមិត្តភាព និងសហប្រតិ្តបត្តិការ(TAC) បង្កើតឡើងនៅថ្ងៃទី២៤ ខែកុម្ភៈ ឆ្នាំ១៩៧៦។
Ø តើសន្ធិសញ្ញាមិត្តភាព និងសហប្រតិ្តបត្តិការ(TAC)
មានគោលការណ៍ប៉ុន្មានចំណុច? អ្វីខ្លះ?
Fសន្ធិសញ្ញាមិត្តភាព និងសហប្រតិ្តបត្តិការ(TAC)មានគោលការណ៍ ៧ចំណុច៖
· គោរពគ្នាទៅវិញទៅមកលើឯករាជ្យអធិបតេយ្យភាព សមភាព បូរណភាពទឹកដី និងអត្តសញ្ញាណជាតិ នៃប្រជាជាតិទាំងអស់
· គោរពសិទ្ធិរបស់រដ្ឋនីមួយៗក្នុងការដឹកនាំប្រទេសជៀសផុតពីការបង្ខិតបង្ខំពីខាងក្រៅ
· មិនជ្រៀតជ្រែកចូលកិច្ចការផ្ទៃក្នុងរបស់គ្នាទៅវិញទៅមក
· ដោះស្រាយទំនាស់ដោយមធ្យោបាយសន្តិវិធី
· ប្រឆាំងចំពោះការគំរាមកំហែងប្រើកម្លាំងទ័ព
· រួមសហការគ្នាយ៉ាងល្អ រវាងសមាជិកទាំងអស់
· ធ្វើឱ្យតំបន់អាស៊ីអាគ្នេយ៍គ្មានអាវុធនុយក្លេអ៊ែរ។
៦. ការបង្កើតតំបន់ពាណិជ្ជកម្មសេរី AFTA (Asean Free Trade Area)
Ø តើការបង្កើតតំបន់ពាណិជ្ជកម្មសេរី(AFTA)
បានប្រកាសជាផ្លូវការនៅថ្ងៃទី ខែ ឆ្នាំណា?
Fការបង្កើតតំបន់ពាណិជ្ជកម្មសេរី(AFTA)
បានប្រកាសជាផ្លូវការនៅថ្ងៃទី០១ ខែមករា ឆ្នាំ១៩៩៣។
Ø តើការបង្កើតតំបន់ពាណិជ្ជកម្មសេរី(AFTA)
នេះមានគោលដៅដូចម្ដេច?
Fការបង្កើតតំបន់ពាណិជ្ជកម្មសេរី(AFTA)
នេះមានគោលដៅគឺការបញ្ចុះតម្លៃផលិតផលមួយចំនួន បន្ទាប់មកនិងបើកឱ្យមានពាណិជ្ជកម្មសេរី។
Ø តើការបង្កើតតំបន់ពាណិជ្ជកម្មសេរី(AFTA)នេះមានគោលបំណងអ្វី?
Fការបង្កើតតំបន់ពាណិជ្ជកម្មសេរី(AFTA)នេះមានគោលបំណងទាក់ទាញវិនិយោគទុន និងការរកទីផ្សារ
នៅតំបន់ឥណ្ឌូចិន។
Ø តើសន្និសីទថ្នាក់រដ្ឋមន្រ្តីការបរទេសអាស៊ានលើកទី២៧ ប្រារព្ធឡើងនៅឯណា?នៅថ្ងៃ ខែ ឆ្នាំណា?
Fសន្និសីទថ្នាក់រដ្ឋមន្រ្តីការបរទេសអាស៊ានលើកទី២៧ ប្រារព្ធឡើងនៅទីក្រុងបាងកក ប្រទេសថៃ
កាលពីថ្ងៃទី២២-២៣ ខែកក្កដា ឆ្នាំ១៩៩៤។
Ø តើសន្និសីទនេះបានចេញថ្លែងការណ៍ប៉ុន្មានចំណុច? អ្វីខ្លះ?
Fសន្និសីទនេះបានចេញថ្លែងការណ៍ ៣ចំណុចដូចជា៖
• សម្រេចអនុវត្តលើការបន្ថយតម្លៃទំនិញតាមកម្មវិធីឆ្នាំ១៩៩៤
• លើកទឹកចិត្តចំពោះលំហូរចូលនៃវិនិយោគទុនបរទេស
• ឯកភាពចំពោះការភ្ជាប់ពាណិជ្ជកម្មជាមួយតំបន់ ដ៏ទៃទៀតក្នុងពិភពលោក។
៧.ការបង្កើតវេទិកាតំបន់អាស៊ានARF (Asean Regional Rorum)
Ø តើការបង្កើតវេទិកាតំបន់អាស៊ាន(ARF) ធ្វើឡើងនៅថ្ងៃទី ខែ ឆ្នាំណា?
Fការបង្កើតវេទិកាតំបន់អាស៊ានធ្វើឡើងនៅថ្ងៃទី ២៥ កក្កដា ១៩៩៤។
Ø តើការបង្កើតវេទិកាតំបន់អាស៊ាន(ARF)ធ្វើឡើងក្នុងគោលបំណងអ្វី?
Fការបង្កើតវេទិកាតំបន់អាស៊ាន(ARF) ធ្វើឡើងក្នុងគោលបំណង រឹតចំណងមេត្រីភាពក្នុងបណ្ដាប្រទេស
អាស៊ាន និងបណ្ដាប្រទេសនានានៅតំបន់អាស៊ីប៉ាស៊ីហ្វិក។
Ø តើការបង្កើតវេទិកាតំបន់អាស៊ាន(ARF)មានតួនាទីធ្វើអ្វីខ្លះ?
Fការបង្កើតវេទិការតំបន់អាស៊ាន(ARF)មានតួនាទី ពង្រឹងទំនុកចិត្តគ្នាទៅវិញទៅមក ក្នុងតំបន់អាស៊ី
ប៉ាស៊ីហ្វិកដោយការចរចានានាលើកិច្ចសហប្រតិបត្តិការផ្នែកនយោបាយ និងសន្តិសុខក្នុងតំបន់។