ការស្ទង់មតិដោយផ្ទាល់គឺជាការសម្ភាសន៍មួយទល់នឹងមួយ ដែលធ្វើឡើងនៅកន្លែងដែលមានចរាចរណ៍ច្រើន ដូចជានៅតាមផ្លូវមមាញឹក។ ការស្ទង់មតិដោយផ្ទាល់អនុញ្ញាតឱ្យម្ចាស់អាជីវកម្មបង្ហាញគំរូផលិតផល ការវេចខ្ចប់ ឬការផ្សាយពាណិជ្ជកម្ម និងប្រមូលមតិកែលម្អភ្លាមៗពីអតិថិជនគោលដៅរបស់ពួកគេ។ ការស្ទង់មតិដោយផ្ទាល់មានអត្រាឆ្លើយតបជាង 90% ប៉ុន្តែវាត្រូវការចំណាយច្រើន។
ពេលវេលា និងថ្លៃពលកម្មគឺខ្ពស់ជាងការស្រាវជ្រាវផ្សេងទៀត ដើម្បីបានព័ត៌មានត្រឹមត្រូវ និងលម្អិត។
ការស្ទង់មតិតាមទូរស័ព្ទមានតម្លៃថោកជាងការស្ទង់មតិដោយផ្ទាល់ ប៉ុន្តែថ្លៃជាងការផ្ញើរអ៉ីម៉ែល។ ជាមួយនឹងអត្រាឆ្លើយតបពី 50 ទៅ 60 ភាគរយ វានៅតែជាជម្រើសដ៏មានប្រយោជន៍។ ទោះជាយ៉ាងណាក៏ដោយ ការស្រាវជ្រាវតាមទូរស័ព្ទ ទទួលបាននូវការបដិសេដ និងរិះគន់។
ដូច្នេះ ការបញ្ចុះបញ្ចូលមនុស្សឱ្យសហការក្នុងការស្ទង់មតិតាមទូរស័ព្ទមានការលំបាក ហើយ ប្រសិនបើធ្វើមិនបានល្អ វា អាចជាការប៉ះពាល់ដល់ម៉ាកយីហោរបស់អ្នក។
១.៣.ការស្ទង់មតិតាមអ៉ីម៉ែល
ការស្ទង់មតិតាមអ៉ីម៉ែលគឺជាវិធីដើម្បីទៅដល់អតិថិជនទូលំទូលាយ។ វាមានតម្លៃថោកជាងការស្ទង់មតិផ្ទាល់ និងការស្ទង់មតិតាមទូរស័ព្ទ ដោយវាមានអត្រាឆ្លើយតបត្រឹមតែ 3 ភាគរយទៅ 15 ភាគរយប៉ុណ្ណោះ។
ទោះបីជាអត្រានៃការឆ្លើយតបទាបក៏ដោយ ប្រសិទ្ធភាពនៃការចំណាយនៃការស្ទង់មតិតាមអ៉ីម៉ែលជាជម្រើសដ៏សមរម្យសម្រាប់ក្រុមហ៊ុនតូចៗ។
ការស្ទង់មតិតាមអ៉ីនធឺណេតគឺជាវិធីដ៏ល្អមួយដើម្បីទទួលបានការសម្ភាសជាច្រើនពីកន្លែងជាច្រើនយ៉ាងរហ័ស។ ការស្ទង់មតិតាមអ៊ីនធឺណិតគឺជាវិធីដ៏សាមញ្ញមួយ ដែលមិនអស់ថ្លៃក្នុងការប្រមូលទិន្នន័យជាអក្ខរាវិរុទ្ធ និងប្រមូលផ្តុំនូវមតិ និងចំណូលចិត្តរបស់អតិថិជន ហើយមានសំណួរបើក និងបិទជាច្រើន។
នៅក្នុងការពិភាក្សាតាមក្រុម អ្នកសម្របសម្រួលប្រើសំណួរ ឬប្រធានបទណាមួយដើម្បីដឹកនាំការពិភាក្សាក្នុងចំណោមអ្នកចូលរួម។ ការពិភាក្សានេះធ្វើឡើងនៅ ទីតាំងណាមួយ ជាធម្មតានៅកន្លែងដែលមានឧបករណ៍ថតវីដេអូ ឬសម្លេង។
ជាធម្មតា ក្រុមពិភាក្សាអាចផ្តោតអារម្មណ៍ជាមានរយៈពេលពីមួយទៅពីរម៉ោង ហើយវាត្រូវចំណាយពេលយ៉ាងហោចណាស់ ៣ក្រុមដើម្បីទទួលបានលទ្ធផលប្រកបដោយតុល្យភាព។
ការសម្ភាសដោយផ្ទាល់អនុញ្ញាតឱ្យមានការពិភាក្សាទល់មុខគ្នា។ ដូច្នេះអ្នកអាចអនុញ្ញាតឱ្យមានលំហូរសន្ទនាតាមធម្មតា ហើយមើលពីភាសាកាយវិការរបស់អ្នកតបការ សម្ភាស។
ការស្រាវជ្រាវផ្អែកលើការអង្កេតអនុញ្ញាតឱ្យអ្នកអង្កេតមើលវិធីដែលអតិថិជនជនគោលដៅរបស់អ្នកប្រើប្រាស់ផលិតផល ឬសេវាកម្មរបស់អ្នក អ្វីដែលដំណើរការល្អ អ្វីដែលដំណើរការមិនល្អ និងអ្វីដែលផ្តល់ភាពងាយស្រួលដល់អ្នកប្រើប្រាស់។
ការស្រាវជ្រាវអំពីអតិថិជនគឺជាការស្វែងរកនូវទិដ្ឋភាពជាក់ស្តែងថាតើអ្នកណាជាអតិថិជនគោលដៅរបស់អ្នក? អ្វីជាបញ្ហាប្រឈមរបស់ពួកគេ? ហេតុអ្វីបានជាពួកគេចង់បានផលិតផល ឬសេវាកម្មរបស់អ្នក? អ្វីដែលពួកគេត្រូវការពីអាជីវកម្ម និងម៉ាករបស់អ្នក និងកត្តាជាច្រើនទៀត។
ការស្រាវជ្រាវលក្ខខណ្ឌទីផ្សារអនុញ្ញាតឱ្យអ្នកបែងចែកអតិថិជនគោលដៅរបស់អ្នកទៅជាក្រុមផ្សេងៗគ្នា ដោយផ្អែកលើលក្ខណៈជាក់លាក់ និងការកំណត់។ វិធីនេះអ្នកអាចកំណត់វិធីដ៏មានប្រសិទ្ធភាពក្នុងការបំពេញតម្រូវការរបស់ពួកគេ យល់ពីចំណុចឈឺចាប់ និងការរំពឹងទុករបស់ពួកគេ ស្វែងយល់អំពីគោលដៅរបស់ពួកគេ និងកត្តាច្រើនទៀត។
ការស្រាវជ្រាវអំពីតម្លៃផ្តល់ឱ្យអ្នកនូវគំនិតនៃអ្វីដែលផលិតផល ឬសេវាកម្មស្រដៀងគ្នានៅក្នុងទីផ្សារត្រូវបានលក់ទៅកាន់អតិថិជនគោលដៅរបស់អ្នក ហើយនឹងមូលហេតុដែលពួកគេសុខចិត្តចំណាយ។ ព័ត៌មានទាំងអស់នេះនឹងជួយអ្នកកំណត់យុទ្ធសាស្រ្តកំណត់តម្លៃរបស់អ្នក។
ការវិភាគពីដៃគូប្រកួតប្រជែងពិតជាសំខាន់ ព្រោះវាផ្តល់ឱ្យអ្នកនូវការយល់ដឹងស៊ីជម្រៅអំពីការប្រកួតប្រជែងនៅក្នុងទីផ្សារ និងវិស័យនៃអាជីវកម្មរបស់អ្នក។ អ្នកអាចស្វែងយល់ពីអ្វីដែលកំពុងដំណើរការល្អនៅក្នុងអាជីវកម្មរបស់អ្នក អ្វីដែលអតិថិជនគោលដៅកំពុងស្វែងរកនៅក្នុងលក្ខខណ្ឌនៃផលិតផលដូចជារបស់អ្នក ដៃគូប្រកួតប្រជែងរបស់អ្នក ដើម្បីសម្រេចចិត្តក្នុងការបន្តធ្វើអ្វីដែលល្អ ដែលធ្វើឲ្យអាជីវកម្មរបស់អ្នកមានភាពខុសប្លែកពីអ្នកដទៃ។
ការស្រាវជ្រាវពីការពេញចិត្ត និងភាពស្មោះត្រង់របស់អតិថិជន ផ្តល់ឱ្យអ្នកនូវវិធីដែលអ្នកអាចធ្វើឱ្យអតិថិជនបច្ចុប្បន្នត្រលប់មកគាំទ្រអាជីវកម្មកាន់តែច្រើន ជាមួយនឹងអ្វីដែលជម្រុញពួកគេ (ឧទាហរណ៍៖ កម្មវិធីផ្តល់រង្វាន់ និងសេវាកម្មអតិថិជនដ៏ពិសេស)។
ការស្រាវជ្រាវនេះនឹងជួយអ្នកឱ្យរកឃើញវិធីដែលមានប្រសិទ្ធភាពបំផុតក្នុងការបង្កើនភាពរីករាយ និងការពេញចិត្តរបស់អតិថិជនអ្នក។
ការស្រាវជ្រាវការយល់ដឹងអំពីម៉ាកយីហោនឹងប្រាប់អ្នកអំពីអ្វីដែលអតិថិជនគោលដៅរបស់អ្នកដឹង និងទទួលស្គាល់ពីម៉ាកយីហោរបស់អ្នក។ ការស្រាវជ្រាវនេះ ប្រាប់អ្នកអំពីអ្វីដែលអតិថិជនគោលដៅទទួលស្គាល់ និងនិយាយពីម៉ាកយីហោរបស់អ្នក។
ការស្រាវជ្រាវអំពីយុទ្ធនាការទីផ្សារ រួមបញ្ចូលការត្រួតពិនិត្យមើលយុទ្ធនាការដែលអ្នកធ្លាប់ប្រើ និងវិភាគភាពជោគជ័យរបស់យុទ្ធនានោះក្នុងចំណោមអតិថជនចាស់ និងអតិថិជនបច្ចុប្បន្នរបស់អ្នក។
វាទាមទារការពិសោធន៍ និងស្វែងយល់ឲ្យបានស៊ីជម្រៅនូវអ្វីដែលអ្នកធ្វើបានជោគជ័យ និងយុទ្ធសាស្រ្តថ្មីដែលត្រូវបន្ថែម ឬកែប្រែ។
