(ជ៣)មេរៀនទី៣៖ (មេរៀនសង្ខេប) ប្រទេសសិង្ហបុរី

ពាក្យគន្លឹះ

·         •     វិបុលភាព      ៖ ភាពទូលាយ ។

·         •     ឆន្ទៈ           ៖ បំណង, គំនិត។

·         •     បញ្ញាវ័ន         ៖ អ្នកចេះដឹងជ្រៅជ្រះ  អ្នកប្រាជ្ញ ។

·         •     សិង្ហបុរី          ៖ បុរីតោ ប្រទេសតាងដោយតោសមុទ្រ ។

·         •     កសិបច្ចេកវិទ្យា ៖ វិទ្យាសាស្រ្តសិក្សាពីកសិកម្ម ។

·        •      វារីវប្បកម្ម      ៖ អំពើសាបព្រោះដោយទឹក។

·         •     រុក្ខវិថី            ៖ ផ្លូវថ្នល់ធំៗដែលមានដើមឈើអមសងខាង។

·         •     អនុសាសន៍     ៖ ដំបូន្មាន ពាក្យណែនាំ។

·         •     ស្វ័យភាព      ៖ សេរីភាពក្នុងការគ្រប់គ្រងដោយច្បាប់ខ្លួនឯង, ឯករាជ្យ ។

តើសិង្ហបុរីមានទីតាំងស្ថិតនៅឯណា?   

@ សិង្ហបុរីជារដ្ឋកោះ ស្ថិតនៅក្នុងតំបន់អាស៊ីអាគ្នេយ៍នាចុងខាងត្បូងនៃឧបទ្វីបម៉ាឡេស៊ី។

Ø តើសិង្ហបុរីមានផ្ទៃដីប៉ុន្មានគីឡូម៉ែត្រការេ?  

@ សិង្ហបុរីមានផ្ទៃដី៦៤៦.១គីឡូម៉ែត្រការេ។

Ø នៅឆ្នាំ១៩៩៨ តើប្រទេសនេះមានប្រជាជនប៉ុន្មានលាននាក់?       

@ នៅក្នុងឆ្នាំ១៩៩៨ប្រទេសនេះមានប្រជាជន៣.០៥លាននាក់។

Ø តើប្រទេសសិង្ហបុរីមានជាតិសាសន៍អ្វីខ្លះ?ចូរប្រាប់ពីភាគរយនៃជនជាតិទាំងនោះ។  

@ ប្រទេសសិង្ហបុរីមានជនជាតិ ចិន ៧៦.៦%

     ម៉ាឡេស៊ី១៤% 

     ឥណ្ឌា២.៣%

     ក្រៅពីនោះមានជនជាតិផ្សេងទៀត។

Ø តើប្រទេសសិង្ហបុរីមានភាសាអ្វីខ្លះជាផ្លូវការ?

@ ប្រទេសសិង្ហបុរីមានភាសាផ្លូវការគឺ   ម៉ាឡេ អង់គ្លេស ចិន និងតាមីល។

Ø តើនៅក្នុងឆ្នាំណាដែលភាសាអង់គ្លេសត្រូវបានបញ្ចូលទៅក្នុងប្រព័ន្ធអប់រំរបស់រដ្ឋ?   

@ នៅក្នុងឆ្នាំ១៩៨៧ភាសាអង់គ្លេសត្រូវបានបញ្ចូលទៅក្នុងប្រព័ន្ធអប់រំរបស់រដ្ឋ។

១. សាធារណរដ្ឋសិង្ហបុរីឯករាជ្យ

Ø តើសិង្ហបុរីបានផ្តាច់ចេញទៅជាសាធារណរដ្ឋឯករាជ្យមួយនៅថ្ងៃខែឆ្នាំណា ?

@សិង្ហបុរីបានផ្តាច់ចេញទៅជាសាធារណរដ្ឋឯករជ្យមួយនៅខែកញ្ញា ១៩៦៥ ។

Ø តើការបែកចេញរបស់សិង្ហបុរីនេះធ្វើឡើងដូចម្តេច?

@ការបែកចេញរបស់សិង្ហបុរីនេះធ្វើឡើងដោយការសម្រេចចិត្តទាំងសងខាង រវាងរដ្ឋាភិបាលម៉ាឡេស៊ី និងរដ្ឋាភិបាលសិង្ហបុរី។

Ø ក្រោយពីទទួលបានឯករាជ្យ តើសិង្ហបុរីអភិវឌ្ឍប្រទេសឈរលើវិស័យអ្វីជាមូលដ្ឋាន?

@ ក្រោយពីទទួលបានឯករាជ្យសិង្ហបុរីអភិវឌ្ឍប្រទេសឈរលើវិស័យសេដ្ឋកិច្ចជាមូលដ្ឋាន។

Ø តើរដ្ឋាភិបាលដឹកនាំដោយលោកលី ក្វាន់យូបានប្តេជ្ញាចិត្តដូចម្ដេច? 

@ រដ្ឋាភិបាលដឹកនាំដោយលោកលី ក្វាន់យូបានប្តេជ្ញាចិត្តថា ត្រូវរៀបចំខឿនសេដ្ឋកិច្ចដោយធ្វើឱ្យមានបំលាស់ប្ដូរយ៉ាងឆាប់រហ័សនៅហេដ្ឋារចនាសម្ព័ន្ធទាំងអស់ ប្រសិនបើសិង្ហបុរីមានវិបុលភាពនោះ។

Øតើរដ្ឋាភិបាលបានដឹកនាំដោយលោក លី ក្វាន់យូ បានប្តេជ្ញាចិត្តថាដូចម្តេច ?

@រដ្ឋាភិបាលបានដឹកនាំដោយលោក លី ក្វាន់យូ បានប្តេជ្ញាចិត្តថាត្រូវរៀបចំខឿនសេដ្ឋកិច្ចដោយធ្វើឱ្យមានបំលាស់ប្តូរយ៉ាងឆាប់រហ័សនូវហេដ្ឋារចនាសម្ព័ន្ធទាំងអស់  ប្រសិនបើសិង្ហបុរីមានវិបុលភាពនោះ ។

២. ស្ថានភាពនយោបាយ

២.១.នយោបាយក្នុងប្រទេស

Ø តើសមាជិកសភានៃសិង្ហបុរីមានចំនួនប៉ុន្មាន? មានអាណត្តិប៉ុន្មានឆ្នាំ? ជ្រើសតាំងដោយអ្នកណា?  

@ សមាជិកសភានៃសិង្ហបុរីមានចំនួន ៧៩រូបមានអាណត្តិ៥ឆ្នាំ ជ្រើសតាំងដោយរាជរដ្ឋាភិបាល។

Ø តើប្រជាជនសិង្ហបុរីទាំងពីរភេទមានអាយុយ៉ាងតិចប៉ុន្មានឆ្នាំទើបមានសិទ្ធិបោះឆ្នោត?

@ ប្រជាជនសិង្ហបុរីទាំងពីរភេទមានសិទ្ធិបោះឆ្នោតត្រូវមានអាយុយ៉ាងតិច២១ឆ្នាំ។

Ø តើសិង្ហបុរីត្រូវដឹកនាំដោយគណបក្សតែមួយគត់គឺគណបក្សអ្វី?ពីឆ្នាំណាដល់ឆ្នាំណា?ដឹកនាំដោយនរណា?

@ ចាប់ពីឆ្នាំ១៩៥៩រហូតដល់ឆ្នាំ១៩៨០សិង្ហបុរីត្រូវដឹកនាំដោយគណបក្សតែមួយគត់គឺ គណបក្សសកម្មភាពប្រជាជន ជាគណបក្សដែលដឹកនាំដោយលោកលី ក្វាន់យូ។

Ø តើគណបក្សឈ្មោះអ្វីដែលបំបែកខ្លួនចេញពីគណបក្សសកម្មភាពប្រជាជន?

@ គណបក្សរណសិរ្សសង្គមនិយមបានបំបែកខ្លួនចេញពីគណបក្សសកម្មភាពប្រជាជន។

Ø ការបោះឆ្នោតឆ្នាំ១៩៨៤ តើគណបក្សណាដែលទទួលបានកៅអីច្រើនជាងគេក្នុងសភា?

@ ការបោះឆ្នោតឆ្នាំ១៩៨៤ គណបក្សដែលទទួលបានកៅអីច្រើនជាងគេក្នុងសភា គឺគណបក្សសកម្មភាពប្រជាជន(លី ក្វាន់យូ)។

២.២. ថ្នាក់ដឹកនាំកំពូល

Ø តើលោកលី ក្វាន់យូបានសិក្សានៅប្រទេសណាខ្លះ? មានឆន្ទ:ដូចម្ដេច?     

@  លោកលី ក្វាន់យូបានសិក្សានៅប្រទេសអង់គ្លេស(ផ្នែកច្បាប់) មានឆន្ទ:តស៊ូស្វិតស្វាញ និងមានការលះបង់ខ្ពស់។

Ø តើកេរ្តិ៍ឈ្មោះរបស់លោកលី ក្វាន់យូបានលេចត្រដែតឡើងកាន់តែខ្លាំងចាប់ពីឆ្នាំណា?

@ កេរ្តិ៍ឈ្មោះរបស់លោកលី ក្វាន់យូបានលេចត្រដែតឡើងកាន់តែខ្លាំងចាប់ពីឆ្នាំ ១៩៥៩ គឺពេលដែលគាត់ដឹកនាំរដ្ឋាភិបាល«រដ្ឋស្វ័យភាព»សិង្ហបុរីធ្វើឱ្យអភិវឌ្ឍជាតិយ៉ាងសកម្ម ដល់ការរីកចម្រើននៃ    ប្រទេស។

Ø តើប្រជាជនសិង្ហបុរីបានផ្ដល់សំឡេងទុកចិត្តលើលោកលី ក្វាន់យូប៉ុន្មានលើក?       

@ ប្រជាជនសិង្ហបុរីបានផ្ដល់សំឡេងទុកចិត្តលើលោកលី ក្វាន់យូ ចំនួន៨លើក។

Ø  តើលោកលី ក្វាន់យូកាន់តំណែងជានាយករដ្ឋមន្រ្តីអស់រយ:ពេលប៉ុន្មានឆ្នាំ?

@ ហើយកាន់តំណែងជានាយករដ្ឋមន្រ្តីអស់រយ:ពេល៣១ឆ្នាំ។

Ø តើលោកលី ក្វាន់យូបានចេញពីតំណែងនៅថ្ងៃ ខែ ឆ្នាំណា?

@ លោកលី ក្វាន់យូបានចេញពីតំណែងនៅថ្ងៃទី២៨ ខែវិច្ឆិកា ឆ្នាំ១៩៩០។

Ø តើនរណាដែលបន្តតំណែងពីលោកលី ក្វាន់យូ?     

@ អ្នកដែលបន្តតំណែងពីលោកលី ក្វាន់យូគឺលោកហ្គោជុកតុង។

Ø តើលោកហ្គោជុកតុងកើតនៅថ្ងៃទី ខែ ឆ្នាំណា?

@ លោកហ្គោ ជុកតុងកើតថ្ងៃទី២០ ខែឧសភា ឆ្នាំ ១៩៤១ក្នុងគ្រួសារចិនក្រីក្រមួយ។

Ø តើលោកហ្គោជុកតុងសិក្សានៅឯណាខ្លះ? 

@ លោកហ្គោ ជុកតុងសិក្សានៅសកលវិទ្យាល័យ សិង្ហបុរីផ្នែកសេដ្ឋកិច្ចរួចបន្តការសិក្សានៅសហរដ្ឋអាមេរិក។

Ø តើនៅឆ្នាំ១៩៧៦ លោកហ្គោ ជុកតុងមានតួនាទីជាអ្វី? ឆ្នាំ១៩៩២ជាអ្វី?   

@  នៅឆ្នាំ១៩៧៦លោកហ្គោ ជុកតុងមានតួនាទីជាឧបនាយករដ្ឋមន្រ្តីទី១ និងជារដ្ឋមន្រ្តីក្រសួងការពារជាតិសិង្ហបុរី ក្នុងឆ្នាំ១៩៩២ ជាអគ្គលេខាបក្សសកម្មភាពប្រជាជន។

៣. ស្ថានភាពសេដ្ឋកិច្ច

Ø តើសេដ្ឋកិច្ចសិង្ហបុរីពឹងផ្អែកលើវិស័យសំខាន់ៗអ្វីខ្លះ?

@  សេដ្ឋកិច្ចសិង្ហបុរីពឹងផ្អែកលើវិស័យសំខាន់ៗដូចជា៖

·         •  វិស័យកសិកម្ម

·         •  ថាមពល និងឧស្សាហកម្ម

·         •  ទេសចរណ៍

·         •  និងវិស័យពាណិជ្ជកម្ម

៣.១. វិស័យកសិកម្ម

Ø តើតើនៅឆ្នាំ១៩៨៥ ប្រទេសសិង្ហបុរីអាចរកប្រាក់ចំណូលក្នុងវិស័យកសិកម្មបានប៉ុន្មានលានដុល្លារ ?

@ នៅឆ្នាំ១៩៨៥ ប្រទេសសិង្ហបុរីអាចរកប្រាក់ចំណូលក្នុងវិស័យកសិកម្មបាន ៥៧៦លានដុល្លារ ។

Ø ហេតុអ្វីបានជាប្រទេសសិង្ហបុរីអាចផ្គត់ផ្គង់សាច់ដោយខ្លួនឯង ?

@បានជាប្រទេសសិង្ហបុរីអាចផ្គត់ផ្គង់សាច់ដោយខ្លួនឯង  ព្រោះប្រជាជនពូកែចិញ្ចឹមសត្វជ្រូក  និងបក្សីដែលផ្តល់ស៊ុតបានច្រើន  ។

៣.២. ថាមពល និងឧស្សាហកម្ម

Ø តើវិស័យថាមពល និងឧស្សាហកម្មមានការរីកចម្រើនដែរ ឬទេ ?    

@ វិស័យថាមពល និងឧស្សាហកម្មមានការរីកចម្រើនគឺ មានឧស្សាហកម្មអេឡិចត្រូនិច គីមី អគ្គិសនី និងប្រេងកាត ចំណាត់ថ្នាក់លេខ៣ បន្ទាប់ពីជប៉ុននិងចិន ។

៣.៣. ទេសចរណ៍

Ø តើវិស័យទេសចរណ៍ប្រទេសសិង្ហបុរីមានការរីកចម្រើនដែរឬទេ ?

@  វិស័យទេសចរណ៍ប្រទេសសិង្ហបុរីមានការរីកចម្រើនព្រោះពួកអ្នកទេសចរបរទេសដែលចូលទស្សនា

      ប្រទេសសិង្ហបុរី មានចំនួនកាន់តែកើនឡើងជាលំដាប់ កើនពី១ឆ្នាំទៅមួយឆ្នាំ សណ្ឋាគារកើនឡើង

      ដល់៥៩ សណ្ឋាគារ ។

៣.៤. វិស័យពាណិជ្ជកម្ម

Ø តើប្រេងប្រទេសសិង្ហបុរីជាប់ចំណាត់ថ្នាក់ទីប៉ុន្មាន?បន្ទាប់ពីប្រទេសណាខ្លះ?

@ ប្រេងប្រទេសសិង្ហបុរីជាប់ចំណាត់ថ្នាក់ទី៣ បន្ទាប់ពីប្រទេសជប៉ុន និងចិន។

Ø ចូររៀបរាប់ប្រទេសដែលជាដៃគូពាណិជ្ជកម្មសិង្ហបុរី។

@ ប្រទេសដែលជាដៃគូពាណិជ្ជកម្មសិង្ហបុរីមាន៖ប្រទេសក្នុងសមាជិកអាស៊ាន សហរដ្ឋអាមេរិក ហុងកុង ជប៉ុន អាល្លឺម៉ង់ អង់គ្លេស អូស្រា្តលី តៃវ៉ាន់  និងប្រទេសអារ៉ាប៊ីសាអូឌីត។

Øតើកត្តាអ្វីខ្លះដែលធ្វើឱ្យប្រទេសសិង្ហបុរីក្លាយជាកូននាគនៅអាស៊ី ?

@ កត្តាដែលធ្វើឱ្យប្រទេសសិង្ហបុរីក្លាយជាកូននាគនៅអាស៊ី ដោយសារ ៖

• ការដាក់នយោបាយខាងឧស្សាហកម្មយ៉ាងត្រឹមត្រូវរបស់លោកលី ក្វាន់យូ

• ជាកំពង់ផែអន្តរជាតិសំខាន់បំផុតនៅអាស៊ីអាគ្នេយ៍

• ជាប្រទេសដែលអភិវឌ្ឍយ៉ាងខ្លាំងលើវិស័យឧស្សាហកម្ម

• មានដៃគូពាណិជ្ជកម្មជាមួយប្រទេសមហាអំណាចធំៗលើពិភពលោក

• ជាកន្លែងផ្លាស់ប្តូរនិងស្តុកទំនិញសំខាន់បំផុតនៅអាស៊ីអាគ្នេយ៍ ។

Øតើនយោបាយដាច់ខាតខាងឧស្សាហកម្មរបស់លោក លី ក្វាន់យូមានប៉ុន្មានដំណាក់កាល  ? អ្វីខ្លះ ?

@នយោបាយដាច់ខាតខាងឧស្សាហកម្មរបស់លោក លី ក្វាន់យូមាន៣ដំណាក់កាល ៖

• បង្កើតឧស្សាហកម្មដែលស្រូបកម្លាំងពលកម្មច្រើន ដើម្បីកាត់បន្ថយជនគ្មានការងារធ្វើ

• បន្ថែមម៉ោងធ្វើការជាអតិបរមា ដើម្បីរកប្រាក់ចំណូលឱ្យបានច្រើននិងសន្សំប្រាក់ខ្លះ

• បង្កើតឧស្សាហកម្មប្រើប្រាស់បច្ចេកវិទ្យាខ្ពស់និងទំនើប ដើម្បីផ្តល់ចំណេះដឹងដល់អ្នកជំនាន់ក្រោយ។