(ជ៣)មេរៀនទី២៖ (មេរៀនសង្ខេប) ប្រទេសម៉ាឡេស៊ី

ពាក្យគន្លឹះ

·         សហព័ន្ធ       ៖ ការរួបរួមបញ្ចូលគ្នា ។

·         បាសាហា      ៖ ជាឈ្មោះភាសាជនជាតិម៉ាឡេស៊ី ។

·         ឈ្លើយសឹក    ៖ មនុស្សដែលគេចាប់បានក្នុងពេលស​ង្គ្រាម ។​

·         ឧបទ្វីប          ៖ កោះរង, កោះបន្ទាប់។

·         ភេរវ:កម្ម        ៖ អំពើដែលគួរឱ្យខ្លាច គួរឱ្យតក់ស្លុង។

·         សក្តានុពល    ៖ ដែលមានអំណាច មានកម្លាំង។

·         ធរមាន          ៖ ដែលកំពុងទ្រទ្រង់នៅ, ដែលមានជីវិតរស់នៅ ។

·         ជាតិពន្ធុ       ៖ ការសិក្សាពីពង្សាវតារបស់មនុស្ស ។

·         ហេដ្ឋារចនាសម្ព័ន្ធ      ៖ មានអគារ ផ្លូវថ្នល់ ស្ពាន សាលារៀន មន្ទីរពេទ្យ...។

១. ប្រវត្តិទឹកដី និងជនជាតិម៉ាឡេ

[ តើប្រទេសម៉ាឡេស៊ីជារដ្ឋដូចម្តេច?

@ ប្រទេសម៉ាឡេស៊ីជារដ្ឋសហពន្ធ័។

[ តើប្រទេសម៉ាឡេស៊ីបែងចែកជាប៉ុន្មានផ្នែក?អ្វីខ្លះ?

@ ប្រទេសម៉ាឡេស៊ីបែងចែកជាពីរផ្នែករួមមាន៖

–     ឧបទ្វីបម៉ាឡេ

–     និងកោះបរនេអូ។

[ តើឧបទ្វីបម៉ាឡេមានប៉ុន្មានរដ្ឋ?នៅលើកោះបរនេអូមានប៉ុន្មានរដ្ឋ?អ្វីខ្លះ?

@ ឧបទ្វីបម៉ាឡេមាន១១រដ្ឋ និងនៅលើកោះបរនេអូមានពីររដ្ឋគឺសាបា និងសារ៉ាវ៉ាក់។

[ តើប្រជាជនម៉ាឡេមានក្រុមជនជាតិអ្វីខ្លះ?ចូរប្រាប់ភាគរយនៃជនជាតិនីមួយៗ។     

@ ប្រជាជនម៉ាឡេមាន៖ 

–     ក្រុមម្ចាស់ស្រុកម៉ាឡេ ៥៥% 

–     ជនជាតិចិន៣២%

–     ឥណ្ឌា៨%

–     និងជនជាតិដទៃទៀត៥%។

[ តើប្រទេសម៉ាឡេស៊ីគោរពសាសនាអ្វី?តាំងពីសតវត្សទីប៉ុន្មាន?    

@ ប្រទេសម៉ាឡេស៊ីគោរពសាសនាអ៊ីស្លាម តាំងចាប់ពីសតវត្សទី១៥។

[ ចូររាប់ឈ្មោះប្រទេសដែលដាក់អាណានិគមមកលើម៉ាឡេស៊ី និងបញ្ជាក់ពីកាលបរិច្ឆេទ។

@ ប្រទេសដែលដាក់អាណានិគមមកលើម៉ាឡេស៊ីរួមមាន៖

·         ព័រទុយហ្គាល់ នៅឆ្នាំ១៥១១

·         ហូឡង់ នៅឆ្នាំ១៦៤១   និងចក្រភពអង់គ្លេស នៅឆ្នាំ១៨១៥ដល់ ១៩៦៣ ។

២. ការមកដល់របស់ជប៉ុន

[ តើយោធាជប៉ុនបានចាប់ផ្តើមវាយលុកម៉ាឡេស៊ីនៅថ្ងៃ ខែ ឆ្នាំណា?  

@ យោធាជប៉ុនបានចាប់ផ្តើមវាយលុកម៉ាឡេស៊ីនៅថ្ងៃទី៨ ខែធ្នូ ឆ្នាំ១៩៤១។

[ តើសិង្ហបូរីបានដួលរលំនៅថ្ងៃខែ ឆ្នាំណា?   

@ សិង្ហបូរីបានដួលរលំនៅថ្ងៃទី១៥ខែកុម្ភះ ឆ្នាំ១៩៤២។

[ តើជប៉ុនគ្រប់គ្រងម៉ាឡេស៊ីអស់រយះពេលប៉ុន្មានឆ្នាំ?ពីឆ្នាំណាដល់ឆ្នាំណា? 

@ ជប៉ុនគ្រប់គ្រងម៉ាឡេស៊ីអស់រយះពេលជាង៣ឆ្នាំកន្លះពីឆ្នាំ១៩៤២ដល់ឆ្នាំ១៩៤៥។

[ ក្នុងអំឡុងពេលត្រួតត្រា តើជប៉ុនបានបង្ហាញដល់ជនមូស្លីមម៉ាឡេដូចម្ដេច?

@ ក្នុងអំឡុងពេលត្រួតត្រាជប៉ុនបានបង្ហាញដល់ជនមូស្លីមម៉ាឡេថា ខ្លួនជាអ្នកជួយឧបត្ថម្ភទំនុកបម្រុងឱ្យមានការគោរពពេញលេញចំពោះវប្បធម៌អ៊ីស្លាម។

[ ហេតុអ្វីបានជាប្រទេសម៉ាឡេស៊ីលែងទុកចិត្តលើជប៉ុន?

@ បានជាប្រទេសម៉ាឡេស៊ីលែងទុកចិត្តលើជប៉ុនពីព្រោះជប៉ុនបានផ្ទេររដ្ឋម៉ាឡេស៊ីចំនួន៤នៅភាគខាងជើងឱ្យទៅប្រទេសថៃ។

[ ហេតុអ្វីបានជាជនជាតិជប៉ុនធ្វើបាបជនជាតិចិនម៉ាឡេ ? តើជនជាតិចិនម៉ាឡេបានតបតដូចម្តេច

     ទៅលើជនជាតិជប៉ុនវិញ ?

@ បានជាជនជាតិជប៉ុនធ្វើបាបជនជាតិចិនម៉ាឡេព្រោះ ពួកជប៉ុនស្អប់ជនជាតិចិន ។ ជនជាតិចិនម៉ាឡេបានតបតទៅលើជនជាតិជប៉ុនវិញ ដោយពួកចិនបានបង្កចលនាវាយឆ្មក់ជនជាតិជប៉ុនវិញ ។

[ហេតុអ្វីបានជាជប៉ុនស្រឡាញ់ជនជាតិឥណ្ឌាម៉ាឡេ ?

@ បានជាជប៉ុនស្រឡាញ់ជនជាតិឥណ្ឌាម៉ាឡេព្រោះជនជាតិឥណ្ឌាម៉ាឡេពុំដែលជាសត្រូវនឹងជប៉ុនឡើយ ។

៣. ការបង្កើតសហព័ន្ធម៉ាឡេស៊ី

[ តើនៅឆ្នាំណាដែលរដ្ឋសារ៉ាវ៉ាក់ និងបរនេអូខាងជើងទទួលរងការបំផ្លិចបំផ្លាញ?      

@ នៅឆ្នាំ១៩៤៦រដ្ឋសារ៉ាវ៉ាក់ និងបរនេអូខាងជើងទទួលរងការបំផ្លិចបំផ្លាញ។

[ តើប្រទេសណាដែលបង្ហាញពីផែនការបង្កើតសហព័ន្ធម៉ាឡេស៊ីឡើង?      

@ ប្រទេសអង់គ្លេស បានបង្ហាញពីផែនការបង្កើតសហព័ន្ធម៉ាឡេស៊ីឡើង។

[ តើប្រជាជនម្ចាស់ស្រុកមិនសប្បាយចិត្តនឹងការបង្កើតនេះដោយសារអ្វី?      

@ ប្រជាជនម្ចាស់ស្រុកមិនសប្បាយចិត្តដោយសារការមិនយកចិត្តទុកដាក់

   ក្នុងការផ្តល់សិទ្ធិ និង ឧត្តមភាពដល់ក្រុមរបស់ខ្លួនឱ្យលើសប្រជាជនអន្តោប្រវេសន៍។

[ តើសហព័ន្ធម៉ាឡេស៊ីត្រូវបានបង្កើតឡើងនៅឆ្នាំណា?        

@ សហព័ន្ធម៉ាឡេស៊ីត្រូវបានបង្កើតឡើងនៅឆ្នាំ១៩៤៨ ។

[ តើគណបក្សកុម្មុយនីស្តម៉ាឡេស៊ីបានប៉ុនប៉ងធ្វើអ្វី? 

@ គណបក្សកុម្មុយនីស្តម៉ាឡេស៊ីបានប៉ុនប៉ងធ្វើបដិវត្តន៍មួយដោយប្រើប្រាស់យុទ្ធសាស្រ្តចម្បាំងទ័ពព្រៃ។

[ តើទង្វើរភេរវកម្មរបស់គណបក្សកុម្មុយនីស្តម៉ាឡេស៊ីត្រូវបានគេកាត់បន្ថយសកម្មភាពពី

ឆ្នាំណាដល់ឆ្នាំណា?  

@ ទង្វើរភេរវកម្មរបស់គណបក្សកុម្មុយនីស្តម៉ាឡេស៊ីត្រូវបានគេកាត់បន្ថយសកម្មភាពពីដើមទសវត្សរ៍ឆ្នាំ១៩៥០ដល់ឆ្នាំ១៩៦០។

៤. រដ្ឋាភិបាលសម្ព័ន្ធភាពនិងឯករាជ្យភាព

[ ពេលដែលម៉ាឡេស៊ីប្រកាសក្នុងភាពអាសន្ន តើប្រទេសអង់គ្លេសបានសន្យាដូចម្តេច?

@ ប្រទេសអង់គ្លេសបានសន្យាថា ពួកគេនឹងផ្ដល់នូវរដ្ឋាភិបាលផ្ទាល់ខ្លួនមួយស្របពេលដែល

ម៉ាឡេស៊ីប្រកាសក្នុងភាពអាសន្ន។

[ តើសម្ព័ន្ធភាពរបស់គណបក្សធំទាំងបីបានបង្កើតឡើងនៅឆ្នាំណា?

មានគណបក្សអ្វីខ្លះចូលរួម?  

@ សម្ព័ន្ធភាពរបស់គណបក្សធំទាំងបីបានបង្កើតឡើងនៅឆ្នាំ១៩៥២ មានគណបក្សចូលរួមដូចជា៖

·         គណបក្សរួបរួមជាតិម៉ាឡេស៊ី

·         គណបក្សសមាគមជនជាតិចិននៅម៉ាឡេស៊ី

·         គណបក្សសភាឥណ្ឌានៅម៉ាឡេស៊ី

[ តើសម្ព័ន្ធភាពនេះទទួលជោគជ័យក្នុងការបោះឆ្នោតនៅឆ្នាំណា?

    អ្នកណាទទួលជ័យជំនះ? មកពីគណបក្សណា? 

@ សម្ព័ន្ធភាពនេះទទួលជោគជ័យក្នុងការបោះឆ្នោតនៅឆ្នាំ១៩៥៥

    អ្នកទទួលជ័យជំនះលោកទុនគូ អាប់ឌុលរ៉ាម៉ាន់ មកពីគណបក្សសម្ព័ន្ធភាពរួបរួមជាតិម៉ាឡេស៊ី។

[ តើអង់គ្លេសប្រគល់ឯករាជ្យទៅឱ្យម៉ាឡេស៊ីនៅឆ្នាំណា?      

@ អង់គ្លេសប្រគល់ឯករាជ្យទៅឱ្យម៉ាឡេស៊ីនៅឆ្នាំ១៩៥៧។

[ តើនរណាជានាយករដ្ឋមន្ត្រីដំបូងបំផុតនៅម៉ាឡេស៊ី?       

@ អ្នកដែលជានាយករដ្ឋមន្ត្រីដំបូងបំផុតនៅម៉ាឡេស៊ី គឺលោកទុនគូ អាប់ឌុលរ៉ាម៉ាន់។

[ តើរដ្ឋសិង្ហបូរីបានផ្តាច់ខ្លួនចេញពីសហព័ន្ធម៉ាឡេស៊ីក្នុងឆ្នាំណា? ដឹកនាំដោយនរណា?

@ រដ្ឋសិង្ហបូរីបានផ្តាច់ខ្លួនចេញពីសហព័ន្ធម៉ាឡេស៊ីក្នុងឆ្នាំ១៩៦៥ ដឹកនាំដោយលី ក្វាន់យូ។

៥. វិបត្តិឆ្នាំ១៩៦៩

[ តើលទ្ធិប្រជាធិបតេយ្យនៅម៉ាឡេស៊ីត្រូវបានបើកទូលំទូលាយនៅឆ្នាំណា?   

@ នៅឆ្នាំ១៩៦០ដែលលទ្ធិប្រជាធិបតេយ្យត្រូវបានបើកទូលំទូលាយនៅម៉ាឡេស៊ី។

[ តើគណបក្សឥស្លាមនៃជនជាតិម៉ាឡេស៊ីនិងសកម្មប្រជាធិបតេយ្យកើតឡើងនៅឆ្នាំណា?

@ គណបក្សឥស្លាមនៃជនជាតិម៉ាឡេស៊ីនិងសកម្មប្រជាធិបតេយ្យកើតឡើងនៅឆ្នាំ១៩៦០។

[ តើការរំជើបរំជួលផ្នែកនយោបាយបានរីករាលដាលកាន់តែខ្លាំងនៅឆ្នាំណា?  

@ ការរំជើបរំជួលផ្នែកនយោបាយបានរីករាលដាលកាន់តែខ្លាំងនៅឆ្នាំ១៩៦៩។

[ តើលទ្ធផលបោះឆ្នោតនៅឆ្នាំ១៩៦៩ ទទួលបានដូចម្តេច? 

@ លទ្ធផលបោះឆ្នោតនៅឆ្នាំ១៩៦៩ ទទួលបានគឺសំឡេងគាំទ្ររដ្ឋាភិបាលសម្ព័នភាពបានថយចុះ។

[ តើការប៉ះទង្គិចគ្នាដោយអំពើហិង្សាបានកើតឡើងនៅទីណា?រយ:ពេលប៉ុន្មានថ្ងៃ?លទ្ធផលដូម្តេច? 

@ អំពើហិង្សាបានកើតឡើងនៅទីក្រុងកូឡាឡាំពួរយ:ពេល៤ថ្ងៃ លទ្ធផលមនុស្សស្លាប់

រាប់រយនាក់ និងទ្រព្យសម្បត្តិមួយចំនួនធំត្រូវបានបំផ្លិច បំផ្លាញយ៉ាងធ្ងន់ធ្ងរ។

[ តើរដ្ឋស្ថិតក្នុងស្ថានភាពដូចម្តេច?ហើយរដ្ឋត្រូវបានគេដាក់ឱ្យស្ថិតក្រោមការគ្រប់គ្រងរបស់អង្គការអ្វី  

@ រដ្ឋស្ថិតក្នុងស្ថានភាពអាសន្ន។ រដ្ឋត្រូវបានគេដាក់ឱ្យស្ថិតក្រោមការគ្រប់គ្រងរបស់អង្គការក្រុមប្រឹក្សា

    ប្រតិបត្តិការជាតិ។

[ តើក្រុមប្រឹក្សាប្រតិបត្តិការជាតិបានបញ្ចាប់នៅឆ្នាំណា?      

@ ក្រុមប្រឹក្សាប្រតិបត្តិការជាតិបានបញ្ចាប់នៅឆ្នាំ១៩៧១។

[ តើរដ្ឋាភិបាលក្រុមប្រឹក្សាប្រតិបត្តិការជាតិត្រូវបានជំនួសដោយអ្វី?

@ រដ្ឋាភិបាលក្រុមប្រឹក្សាប្រតិបត្តិការជាតិត្រូវបានជំនួសដោយ រដ្ឋាភិបាលដែលអាស្រ័យលើការបោះឆ្នោតជ្រើសរើសរបស់សភា។