(ជ២) មេរៀនទី២៖ (មេរៀនសង្ខេប) សម័យសង្គមរាស្ត្រនិយម (១៩៥៥-១៩៧០)

ពាក្យគន្លឹះ

·         ·     សង្គមរាស្រ្តនិយម      ៖ ជាឈ្មោះលទ្ធិមួយនៃការគ្រប់គ្រងប្រទេសកម្ពុជា។

·         ·     ប្រជាធិបតេយ្យ        ៖ ទម្រង់គ្រប់គ្រងរដ្ឋដោយយកប្រជាពលរដ្ឋជាធំ។

·         ·     សមាជជាតិ            ៖ មហាសន្និបាតថ្នាក់ជាតិ ឬការប្រជុំនៃមហាជនទូទាំងប្រទេស ដើម្បីពិភាក្សា

                        ពីបញ្ហារួមរស់របស់ជាតិ។

·         ·     និន្នាការ                ៖ សេចក្តីលម្អៀងទៅរកអ្វីមួយ។

·         ·     អព្យាក្រឹត                 ៖ កណ្តាល។

·         ·     រដ្ឋធម្មនុញ្ញ               ៖ ច្បាប់កំពូល ឬ ច្បាប់រដ្ឋ។

·         ·     ប្រជាមតិ                 ៖ មតិរបស់ប្រជាជន។

·         ·     សមិទ្ធផល               ៖ ផលដែលសម្រេចបាន។

·         ·       រុក្ខទិវា                     ៖ ទិវាដាំដើមឈើ។

·         ·    វារីអគ្គិសនី               ៖ អគ្គិសនីបានមកពីកម្លាំងទឹក។

·         ·    សមត្ថភាព               ៖ ភាពនៃសេចក្តីមោះមុត។

·         ·    វាយនភណ្ឌ              ៖ គ្រឿងតម្បាញ។

·         ·    រាជបល្ល័ង្គ                ៖ ទីអាសនៈរបស់ព្រះរាជាគង់។

·         ·    វប្បធម៌                   ៖ ការផ្សាំបណ្តុះចំណេះវិជ្ជា និងប្រាជ្ញាស្មារតីឱ្យបានលូតលាស់ចម្រើនដោយ

                        វិទ្យាសាស្រ្តដោយសិល្បៈផ្សេងៗ។

·         ·    ឧបយុវរាជ               ៖ ក្សត្រកំលោះដែលមានឋានៈជាឧបរាជទី១ ឬឧបរាជស្តាំ។

១. នយោបាយក្នុងប្រទេស

+ តើនរណាបង្កើតសម័យសង្គមរាស្រ្តនិយម?

 -ព្រះបាទសម្តេចព្រះនរោត្តមសីហនុ។

+តើព្រះអង្គប្រសូតិនៅថ្ងៃខែឆ្នាំណា? នៅឯណា? តើព្រះអង្គជាព្រះរាជបុត្ររបស់ព្រះរាជាអង្គណា ? ហើយសោយទិវង្គតនៅថ្ងៃខែឆ្នាំណា?នៅឯណា?

·         ថ្ងៃ៣១តុលា១៩២២

·         ប្រសូត្រនៅភ្នំពេញ

·         ព្រះអង្គជាព្រះរាជបុត្ររបស់ព្រះបាទនរោត្តមសុរាម្រឹត និងព្រះមហាក្សត្រីយានី

·         ស៊ីសុវត្ថិមុនីវង្សកុសមៈ នារីរ័ត្នសិរីវឌ្ឍនា

·         ចូលទិវង្គតថ្ងៃទី១៥តុលា២០១២នៅទីក្រុងប៉េកាំងប្រទេសចិន។

+តើព្រះអង្គប្រទានរដ្ឋធម្មនុញ្ញដំបូងនៅថ្ងៃខែឆ្នាំណា? ដើម្បីអ្វី?

- ថ្ងៃទី៦ឧសភា១៩៤៧ ដើម្បីបង្កើតអង្គការនយោបាយ និងដើម្បីផ្សារភ្ជាប់ទំនាក់ទំនងជាមួយប្រជារាស្រ្តរបស់ព្រះអង្គ។

+ក្រោយបានឯករាជ្យនៅថ្ងៃទី ៩ វិច្ឆិកា ១៩៥៣ តើប្រទេសកម្ពុជាត្រូវប្រឈមមុខនឹងឧបសគ្គអ្វីខ្លះ ?

- ក្រោយបានឯករាជ្យនៅថ្ងៃទី ៩ វិច្ឆិកា ១៩៥៣ ប្រទេសកម្ពុជាត្រូវប្រឈមមុខនឹងឧបសគ្គជាច្រើនគឺការកសាង

និងស្ថាបនាប្រទេសជាតិឡើងវិញ ។

+តើក្រោយពីទទួលបានឯករាជ្យជាតិ ព្រះនរោត្តមសីហនុមានព្រះរាជតម្រិះដូចម្តេច?

- ព្រះអង្គមិនចង់ឲ្យបែកបាក់សាមគ្គីផ្ទៃក្នុង និងចង់ឲ្យមហាជនរួមរស់ជុំវិញព្រះមហាក្សត្រ។

+ ហេតុអ្វីបានជាបិតាព្រះអង្គថ្វាយឋានៈព្រះអង្គថា សម្តេចព្រះឧបយុវរាជ?

- ព្រោះព្រះអង្គជាស្តេចក្មេងនិងជាជំនួយការដ៏ពិសេសរបស់ព្រះបិតា។

+តើព្រះអង្គដាក់រាជ្យសម្បត្តិនៅថ្ងៃទីខែឆ្នាំណា? ដើម្បីអ្វី?

-ព្រះអង្គដាក់រាជ្យសម្បត្តិនៅថ្ងៃទី៣ ខែមីនា ឆ្នាំ១៩៥៥ ។ ដើម្បីបង្កើតអង្គការនយោបាយ និងដើម្បីផ្សារភ្ជាប់ទំនាក់ទំនងជាមួយប្រជារាស្រ្តរបស់ព្រះអង្គ។

+តើអង្គការនយោបាយសង្គមរាស្រ្តនិយមបង្កើតឡើងនៅថ្ងៃខែឆ្នាំណា?

- ថ្ងៃទី២៣ ខែមីនា ឆ្នាំ១៩៥៥។

+ក្នុងការបោះឆ្នោតសភានាខែកញ្ញា ឆ្នាំ១៩៥៥តើអង្គការសង្គមរាស្រ្តនិយមបានទទួលសំឡេងគាំទ្រប៉ុន្មាន

ភាគរយ?តើគណបក្សដទៃទៀតធ្វើដូចម្តេច?

- គាំទ្រ៨៣%គណបក្សដទៃទៀតរំសាយជាបន្តបន្ទាប់។

+ ហេតុអ្វីបានជាព្រះបាទនរោត្តមសីហនុបង្កើតអង្គការសង្គមរាស្រ្តនិយម?

- បានជាព្រះបាទនរោត្តមសីហនុបង្កើតអង្គការសង្គមរាស្រ្តនិយមពីព្រោះ៖

·         ·     ដើម្បីរៀបចំសង្គមកម្ពុជាថ្មីក្រោយពីរបបអាណានិគម

·         ·    រៀបចំសេដ្ឋកិច្ចឱ្យរីកចម្រើន (បរទេស រដ្ឋ មូលដ្ឋានសហករណ៍)

·         ·    កសាងហេដ្ឋារចនាសម្ព័ន្ធរដ្ឋបាល

·         ·    អភិវឌ្ឍវិស័យវប្បធម៌ (សាលារៀន កីឡា...)

·         ·    បង្កើតសមាជជាតិ (សភា មន្រ្តីរាជការ ប្រជារាស្រ្ត) បំបាត់អំពើពុករលួយ

·         ·    ចង់អភិវឌ្ឍជាតិឱ្យដូចពួកអារ្យប្រទេស

·         ·     ដើម្បីបង្រួបបង្រួមជាតិ និងដង្ហែតាមព្រះមហាក្សត្រ

+ តើនរណាបង្កើតសមាជជាតិ? ដើម្បីអ្វី? ទទួលទ្ធផលយ៉ាងណា?

 - ព្រះនរោត្តមសីហនុ ដើម្បីដោះស្រាយបញ្ហារបស់ប្រជារាស្រ្តនិងមន្រ្តីការ ទទួលយ៉ាងច្រើន​ដំបូង

សមាជប្រារព្ធម្តង បន្ទាប់មក១ឆ្នាំប្រារព្ធ២ដង មនុស្សរហូតដល់១០០០០នាក់ចូលរួម។

+តើសមាជជាតិសម្រេចបានសមិទ្ធផលអ្វីខ្លះ?

- ប្រឆាំងអំពើពុករលួយ

- កំណត់ភាសាខ្មែរជាភាសាផ្លូវការ

- តំណាងរាស្រ្តមានសិទ្ធិចូលរួមកែលម្អសកម្មភាពរដ្ឋបាល

- និងដាក់ទណ្ឌកម្មដល់មន្រ្តីអសកម្ម...។

+តើព្រះបាទនរោត្តមសីហនុបានបង្កើតចលនាអ្វីខ្លះនៅក្នុងប្រទេសកម្ពុជា?ចូររៀបរាប់។

-ព្រះបាទនរោត្តមសីហនុបានបង្កើតចលនានៅក្នុងប្រទេសកម្ពុជាដូចជា៖

• ចលនាសង្គមរាស្រ្តនិយម បានធ្វើឲ្យមានកម្លាំងឯកភាព

   និងចូលរួមនិន្នាការ គណបក្សនយោបាយផ្សេងៗ

   បានរំសាយខ្លួនចូលមករួមចលនានេះ។

• ចលនាយុវជនរាជសង្គមនិយមខ្មែរ ដែលជាកម្លាំងមួយរបស់

  ប្រទេស បន្ថែមលើកងជីវពលនារីក្លាហានដែល

  មានតំាងពីសម័យទាមទារឯករាជ្យ១៩៥៣។

២. នយោបាយក្រៅប្រទេស

+ហេតុអ្វីបានជាមាននយោបាយអព្យាក្រឹតក្នុងកម្មវិធីនយោបាយរបស់កម្ពុជា?តើបរទេសណាខ្លះតម្រូវឲ្យ

កម្ពុជាប្រកាន់យកនយោបាយអព្យាក្រឹត?ព្រោះអ្វី?

- ក្រោយសន្និសីទក្រុងសឺណែវ១៩៥៤គឺចិននិងសូវៀត ព្រោះខ្លាចអាមេរិកដាក់មូលដ្ឋានទ័ពនៅកម្ពុជា។

+ដើម្បីពញ្ញាក់ពីអព្យាក្រឹតភាពនៃនយោបាយកម្ពុជា តើព្រះបាទសីហនុបានជួបនឹងអ្នកណាខ្លះ?

នៅកន្លែងណា?

- ទស្សនកិច្ចនៅឥណ្ឌាខែមីនា១៩៥៥ ព្រះសីហនុជួបលោកនេរុ នាយករដ្ឋមន្រ្តីឥណ្ឌា។ខែមេសា១៩៥៥

សន្និសីទបានឌុង(ឥណ្ឌូនេស៊ី)ព្រះសីហនុប្រកាសរួមពីកម្មវិធីនយោបាយអព្យាក្រឹតរបស់កម្ពុជានឹងបាន

ជួបជាមួយលោកជូអេនឡាយ(ចិន) ផាមវ៉ាន់ដុង(យួនខាងត្បូង)។

+តើនៅទីក្រុងប្រ៊ីយូនីសហព័ន្ធយូហ្គោស្លាវីនាឆ្នាំ១៩៥៦សម្តេចសីហនុជួបនរណាខ្លះ?

- ព្រះអង្គជួបឡាយព្រះហស្តជាមួយប្រធានាធិបតីទីតូ (យូហ្គោស្លាវី) ណាស៊ែរ(អារ៉ាប់រួម)

  ស៊ូការណូ(ឥណ្ឌូនេស៊ី) នេរុ (ឥណ្ឌា)...។

+តើព្រះអង្គត្រូវសភាជាតិបោះឆ្នោតជ្រើសតាំងជាប្រមុខរដ្ឋនៃប្រទេសកម្ពុជាពីឆ្នាំណាដល់ឆ្នាំណា?

- ១៩៦០ដល់១៩៧០។

+តើប្រទេសថែចូលឈ្លានពានកាន់កាប់ខេត្តខ្មែរទាំង៤(បាត់ដំបង កំពង់ធំ សៀមរាប ស្ទឹងត្រែង) និងប្រាសាទ

  ព្រះវិហារចាប់ពីឆ្នាំណាដល់ឆ្នាំណា?

-ចាប់ពីឆ្នាំ១៩៥៤ដល់១៩៦២។

+ តើប្រទេសកម្ពុជាចូលជាសមាជិកអង្គការសហប្រជាជាតិពេញសិទ្ធិនៅថ្ងៃខែឆ្នាំណា? ដោយសារអ្វី?

- ថ្ងៃទី១៤ធ្នូ១៩៥៥ ដោយសារថ្នាក់ដឹកនាំប្រទេសកម្ពុជា និងកិត្យានុភាពប្រទេសកម្ពុជា។

+តើព្រះអង្គបានប្តឹងទាមទារយកដី និងប្រាសាទព្រះវិហារមកវិញនៅថ្ងៃខែឆ្នាំណា?

- ថ្ងៃទី១៥មិថុនា១៩៦២។

+តើព្រះអង្គបានផ្តាច់ទំនាក់ទំនងជាមួយអាមេរិក វៀតណាមនិងថៃនៅថ្ងៃខែឆ្នាំណា?

- អាមេរិក(៣ឧសភា១៩៦១) ថៃ (២៣តុលា ១៩៦១) និងវៀតណាម (២៧ សីហា១៩៦៣) ។

+តើនយោបាយក្រៅប្រទេសក្នុងសម័យសង្គមរាស្រ្តនិយមព្រះបានប្រកាន់នយោបាយដូចម្តេច?

តើព្រះបាទនរោត្តមសីហនុបានចូលរួមក្នុងសន្និសីទកំពូលនៅអាហ្រិកអាស៊ីលើកទី១នៅប្រទេសណា?ទីក្រុងឈ្មោះអ្វី?ក្នុងគោលបំណងអ្វីដែរ?

- នយោបាយក្រៅប្រទេសក្នុងសម័យសង្គមរាស្រ្តនិយមព្រះអង្គបានប្រកាន់នយោបាយគឺប្រកាន់ខ្ជាប់នូវ

  នយោបាយអព្យាក្រឹតនិងមិនចូលបក្សសម្ព័ន្ធ ហើយរួមរស់ដោយសន្តិសហវិជ្ជមានជាមួយប្រទេសជិតខាង

  និងប្រទេសផ្សេងៗ លើពិភពលោក។

- ព្រះបាទនរោត្តមសីហនុបានចូលរួមក្នុងសន្និសីទកំពូលនៅអាហ្រិ្វកអាស៊ីលើកទី១ នៅប្រទេសឥណ្ឌូនេស៊ី

 ទីក្រុងបានឌុង

- ក្នុងគោលបំណងដើម្បីពង្រឹងនិងពង្រីកខ្លឹមសារ នយោបាយក្រៅប្រទេស ហើយនៅទីនោះព្រះអង្គប្រកាស

  ពីអព្យាក្រឹតភាពរបស់ព្រះរាជាណាចក្រកម្ពុជា។

+តើនៅ១៩៦១ព្រះអង្គយាងចូលក្នុងសន្និសីទប្រទេសមិនចូលបក្សសម្ព័ន្ធនៅទីក្រុងអ្វី? ប្រទេសណា? តើប្រទេសថៃបានបញ្ជូនកម្លាំងទ័ពចូលមករំលោភកាន់កាប់ប្រាសាទព្រះវិហារដោយខុសច្បាប់នៅឆ្នាំណា?

-នៅ១៩៦១ព្រះអង្គយាងចូលក្នុងសន្និសីទប្រទេសមិនចូលបក្សសម្ព័ន្ធនៅទីក្រុងបែលក្រាតប្រទេសយូហ្គោស្លាវី។

-ប្រទេសថៃបានបញ្ជូនកម្លាំងទ័ពចូលមករំលោភកាន់កាប់ប្រាសាទព្រះវិហារដោយខុសច្បាប់នៅឆ្នាំ១៩៥៤។

+តើថ្ងៃទី២៣តុលា១៩៦១មានព្រឹត្តិការណ៍អ្វីកើតឡើងចំពោះរាជរដ្ឋាភិបាលកម្ពុជា? ហើយនៅថ្ងៃទី២៧ ខែសីហា ឆ្នាំ១៩៦៣ មានព្រឹត្តិការណ៍អ្វីកើតឡើងចំពោះរាជរដ្ឋាភិបាលកម្ពុជា?

- ថ្ងៃទី២៣តុលា១៩៦១មានព្រឹត្តិការណ៍កើតឡើងចំពោះរាជរដ្ឋាភិបាលកម្ពុជាគឺ បានបង្ខំផ្តាច់ទំនាក់ទំនង

ខាងការទូតជាបណ្តោះអាសន្នជាមួយថៃ។ នៅថ្ងៃ២៧សីហា១៩៦៣កាត់ផ្តាច់ទំនាក់ទំនងការទូតជាមួយប្រទេសវៀតណាមខាងត្បូង។

+តើសហរដ្ឋអាមេរិកធ្វើការជ្រៀតជ្រែកមកលើប្រទេសកម្ពុជាឥតឈប់ឈរចាប់ពីឆ្នាំណាដល់ឆ្នាំណា?

- ឆ្នាំ១៩៦០-១៩៧០។

៣. សមិទ្ធផលសម័យសង្គមរាស្រ្តនិយម

៣.១.  វិស័យកសិកម្ម

+ តើសម្តេចព្រះនរោត្តមសីហនុបានយកព្រះទ័យទុកដាក់លើគោលនយោបាយអ្វីខ្លះ?

ចំ. សម្តេចព្រះនរោត្តមសីហនុបានយកព្រះទ័យទុកដាក់លើគោលនយោបាយដូចជា៖

·         ·    ការពង្រីកដីកសិកម្ម 

·         ·    ការជ្រើសរើសពូជស្រូវ

·         ·    ការប្រើជីធម្មជាតិគួបផ្សំ និងជីគីមី

·         ·    ការធ្វើនយោបាយទឹក

·         ·    ការពង្រីកផ្នែកគមនាគមន៍

·         ·    និងទេសចរណ៍ធ្វើឱ្យសេដ្ឋកិច្ចរីកចម្រើន ។

+ តើវិស័យកសិកម្មមានអ្វីខ្លះ?

 - វិស័យកសិកម្មមាន៖ ដំណាំស្រូវ កៅស៊ូ កប្បាស ចិញ្ចឹមត្រី នេសាទ ព្រៃឈើ...។

+ តើនៅឆ្នាំ១៩៥៥ ផលស្រូវនៅប្រទេសកម្ពុជាទទួលបានប៉ុន្មានតោន? ហើយកើនឡើងដល់ប៉ុន្មានតោន ?

- នៅឆ្នាំ១៩៥៥ ផលស្រូវនៅប្រទេសកម្ពុជាទទួលបាន ១ ៤៨៤ ០០០តោន ហើយកើនឡើងដល់

៣ ២៥០ ០០០តោននៅឆ្នាំ១៩៦៨ ។

+ តើនៅឆ្នាំ១៩៥៥ ផលិតផលកៅស៊ូមានប៉ុន្មានតោន? ហើយកើនឡើងដល់ប៉ុន្មានតោន?

- នៅឆ្នាំ១៩៥៥ ផលិតផលកៅស៊ូមាន២៥ ០០០តោន ហើយកើនឡើងដល់៥១ ០០០តោនក្នុងឆ្នាំ១៩៦៨

+ តើនៅឆ្នាំ១៩៦៤ ផលកប្បាសមានប៉ុន្មានតោន?

- នៅឆ្នាំ១៩៦៤ ផលកប្បាសមាន៥ ០០០តោន ក្នុងនោះ២ ០០០តោនសម្រាប់រោងចក្រវាយនភ័ណ្ឌក្នុងប្រទេស និង៣ ០០០តោនទៀតសម្រាប់នាំចេញ ។

៣.២.  វិស័យគមនាគមន៍

+ តើនៅឆ្នាំណារាជរដ្ឋាភិបាលបានពង្រីកកំពង់ផែនៅភ្នំពេញ និងបានកសាងកំពង់ផែសមុទ្រមួយ

នៅក្រុងព្រះសីហនុ ?

- នៅឆ្នាំ១៩៥៥ រាជរដ្ឋាភិបាលបានពង្រីកកំពង់ផែនៅភ្នំពេញ

- និងបានកសាងកំពង់ផែសមុទ្រមួយនៅក្រុងព្រះសីហនុ ហើយបានពង្រីកបន្ថែមទៀតនៅឆ្នាំ១៩៦៤ ។

+ តើអាកាសយានដ្ឋានអន្តរជាតិពោធិ៍ចិនតុងពង្រីកនៅឆ្នាំណា?

- អាកាសយានដ្ឋានអន្តរជាតិពោធិ៍ចិនតុងពង្រីកនៅឆ្នាំ១៩៥៨ ហើយបានកសាងអាកាសយានដ្ឋានថ្នាក់អន្តរជាតិក្នុងខេត្តសៀមរាប សម្រាប់ពង្រីកវិស័យទេសចរណ៍ជាតិនិងអន្តរជាតិ ។

+តើនៅឆ្នាំណាបានស្ថាបនាផ្លូវរថភ្លើងភ្ជាប់ពីភ្នំពេញទៅក្រុងព្រះសីហនុ ? 

 និងបានកសាងស្ពានដ៏ទំនើបមួយកាត់ទន្លេសាបគឺស្ពានអ្វី ?

- នៅឆ្នាំ១៩៦០ បានស្ថាបនាផ្លូវរថភ្លើងភ្ជាប់ពីភ្នំពេញទៅក្រុងព្រះសីហនុ និងបានកសាងស្ពានដ៏ទំនើបមួយកាត់ទន្លេសាបគឺស្ពានជ្រោយចង្វា ។

+តើទំនប់វារីអគ្គិសនីស្ថិតនៅឯណា?ក្នុងខេត្តណា?

- នៅស្ទឹងច្រាលគិរីរម្យនិងនៅព្រែកត្នោតក្នុងខេត្តកំពង់ស្ពឺ។

+ តើវិស័យពាណិជ្ជកម្មបាននាំចេញផលិតផលកសិកម្មអ្វីខ្លះ?

 - វិស័យពាណិជ្ជកម្មបាននាំចេញផលិតផលកសិកម្មដូចជា៖ ស្រូវ កៅស៊ូ ឈើ ​ត្រី ម្រេច សត្វពាហនៈ ពោត

សណ្តែក។

+ តើសាកលវិទ្យាល័យភូមិន្ទភ្នំពេញត្រូវបានបង្កើតឡើងនៅថ្ងៃខែឆ្នាំណា?

- ១៣មករា១៩៦០។

+ តើនៅឆ្នាំណាបានពង្រីកទំនាក់ទំនងអន្តរជាតិដោយភ្ជាប់ខ្សែទូរសព្ទជាមួយក្រុងតូក្យូ សាន់ហ្រ្វាន់ស៊ីស្កូ

អូសាកា ?

- នៅឆ្នាំ១៩៦១ បានពង្រីកទំនាក់ទំងអន្តរជាតិដោយភ្ជាប់ខ្សែទូរសព្ទជាមួយក្រុងតូក្យូ សាន់ហ្រ្វាន់ស៊ីស្កូ

អូសាកា...។

៣.៣. វិស័យឧស្សាហកម្ម និងពាណិជ្ជកម្ម

+ ចូរនិយាយពីវិស័យឧស្សាហកម្មនៅក្នុងសម័យសង្គមរាស្រ្តនិយម ។

- វិស័យឧស្សាហកម្មនៅក្នុងសម័យសង្គមរាស្រ្តនិយមមានដូចជា ៖

·         រោងចក្រវាយនភ័ណ្ឌ (កំពង់ចាម) 

·         រោងចក្រក្តារបន្ទះ (កណ្តាល)

·         រោងចក្រក្រដាស (ក្រចេះ)

·         រោងចក្រស៊ីម៉ងត៍ (កំពត)

·         រោងចក្របាវក្រចៅ(បាត់ដំបង)

·         រោងចក្រស្ករស (កំពង់ស្ពឺ)

·         រោងចក្រកែវនិងកៅស៊ូ (កណ្តាល)

·         រោងចក្រដំឡើងត្រាក់ទ័ររោងចក្រចម្រាញ់ប្រេងកាត និងរោងចក្រស្រាបៀរ(ក្រុងព្រះសីហនុ)

·         ព្រមទាំងស្ថាបនាទំនប់វារីអគ្គិសនីនៅស្ទឹងច្រាលគិរីរម្យ និងនៅព្រែកត្នោតក្នុងខេត្តកំពង់ស្ពឺ ។

+ ចូរនិយាយពីវិស័យពាណិជ្ជកម្មនៅក្នុងសម័យសង្គមរាស្រ្តនិយម ។

- វិស័យពាណិជ្ជកម្មបានការនាំចេញនូវផលិតផលកសិកម្មដូចជាស្រូវ កៅស៊ូ ឈើ ម្រេច ត្រី ពោត

  សណ្តែក សត្វពាហនៈ និងនាំចូលនូវផលិតផលសម្រាប់បម្រើឧស្សាហកម្មមានគ្រឿងចក្រ ឧបករណ៍

  អគ្គិសនី គ្រឿងបន្លាស់ គ្រឿងបរិក្ខារសុខាភិបាល ។ល។

៣.៤. វិស័យវប្បធម៌  

+ ចូរនិយាយពីវិស័យវប្បធម៌នៅក្នុងសម័យសង្គមរាស្រ្តនិយម។

- រាជរដ្ឋាភិបាលបានពង្រីកវិស័យវប្បធម៌ ដោយកសាងអគារសិក្សាបណ្តុះបណ្តាលបុគ្គលិកសិក្សាគ្រប់ភូមិសិក្សា ផ្នែកសិក្សាបច្ចេកទេសបានរួមចំណែកធ្វើឱ្យប្រទេសមានវឌ្ឍនភាព និងផ្នែកឧត្តមសិក្សាត្រូវបានពង្រីកជាលំដាប់។ វិស័យកីឡាបានអញ្ជើញគ្រូបង្ហាត់មកពីអន្តរជាតិសម្រាប់កីឡាបាល់ទាត់ បាល់បោះ អត្តពលកម្ម វាយសី និងវិស័យសាសនា រដ្ឋាភិបាលបានខិតខំផ្សព្វផ្សាយ

លទ្ធិពុទ្ធសាសនាយ៉ាងទូលំទូលាយ

+តើសកលវិទ្យាល័យភូមិន្ទភ្នំពេញត្រូវបានបង្កើតឡើង

  នៅថ្ងៃខែឆ្នាំណា ? មានមហាវិទ្យាល័យអ្វីខ្លះ ?

- សកលវិទ្យាល័យភូមិន្ទភ្នំពេញត្រូវបានបង្កើតឡើង នៅថ្ងៃ១៣ ខែមករា ឆ្នាំ១៩៦០ ។ មានមហាវិទ្យាល័យដូចជាមហាវិទ្យាល័យនីតិសាស្រ្ត មហាវិទ្យាល័យវេជ្ជសាស្រ្ត មហាវិទ្យាល័យវិទ្យាសាស្រ្ត មហាវិទ្យាល័យអក្សរសាស្រ្ត និងមនុស្សសាស្រ្តជាដើម ។

៣.៥.  វិស័យសង្គមកិច្ច

+ តើរាជរដ្ឋាភិបាលបានយកចិត្តទុកដាក់លើបញ្ហាអ្វីជាចម្បង?

- រាជរដ្ឋាភិបាលបានយកចិត្តទុកដាក់លើបញ្ហាសុខភាពជាចម្បង ព្រមទាំងបានបំផុសឱ្យពលរដ្ឋចូលរួមសកម្មភាពក្នុងការថែទាំសុខភាព ដែលក្នុងនោះមានយុទ្ធនាការចាក់ថ្នាំបង្ការរោគរាតត្បាត ការអនុវត្តក្បួន

អនាម័យ ការសិក្សាពីវិធានការការពារ និងព្យាបាលជំងឺជាដើម ។

+ ការអភិវឌ្ឍវិស័យសង្គមកិច្ច តើមានអ្វីគួរឱ្យកត់សម្គាល់ ?

- ការអភិវឌ្ឍវិស័យសង្គមកិច្ចមានដូចជាការសាងសង់មន្ទីរពេទ្យ ការចាក់ថ្នាំបង្ការ សង់ផ្ទះឱ្យរាស្រ្ត ជីក

អណ្តូងទឹក បង្កើតមជ្ឈមណ្ឌលអប់រំស្រ្តីពេស្យា និងបើកសិទ្ធិឱ្យស្រ្តីបោះឆ្នោត និងឈរឈ្មោះបោះឆ្នោត ។

+ តើស្នាព្រះហស្តចម្បងៗព្រះបាទនរោត្តមសីហនុមានអ្វីខ្លះ ?

- ស្នាព្រះហស្តចម្បងៗព្រះបាទនរោត្តមសីហនុមានដូចជា ៖

·   ទាមទារឯករាជ្យជូនប្រទេសកម្ពុជាថ្ងៃទី០៩ វិច្ឆិកា ១៩៥៣

·   បង្កើតអង្គការសង្គមរាស្រ្តនិយម (១៩៥៥-១៩៧០)

·         អភិវឌ្ឍប្រទេសកម្ពុជាឱ្យរីកចម្រើនស្ទើរគ្រប់ផ្នែក

·  ទាមទារទឹកដី និងប្រាសាទព្រះវិហារពីសៀមមកវិញថ្ងៃទី១៥ មិថុនា ១៩៦២

·  កសាងសមិទ្ធផលជាច្រើនដូចជា វិមានឯករាជ្យ ស្តាតអូឡាំពិច ព្រលានយន្តហោះ...

·  បង្រួបបង្រួមជាតិ...។