(ជ២)មេរៀនទី៣៖ (កិច្ចការផ្ទះ) ច្បាប់ញូតុន

សំណួរនិងលំហាត់កិច្ចការផ្ទះ

1. ហេតុអ្វីបានជាគេដួលទៅមុខ កាលណាគេដើរទៅជំពប់ជើងនិងអ្វីមួយ? 

2. ហេតុអ្វីបានជាច្បាប់ចរាចរណ៍ផ្លូវគោកនៅកម្ពុជា តម្រូវឱ្យអ្នកបើកបររថយន្តត្រូវតែពាក់ខ្សែក្រវាត់សុវត្តិភាពនៅពេលបើកបរ?

3. តើល្បះខាងក្រោមនេះ ណាមួយបញ្ជាក់ពីការអនុវត្តច្បាប់ទី \( 1 \)? ច្បាប់ទី \( 2 \)? និងច្បាប់ទី \( 3 \) ញូតុន? 

    ក. នៅពេលរថយន្តឈប់ភ្លាម អ្នកដំណើរជ្រុលខ្លួនទៅមុខ។

    ខ. កាលណាមនុស្សម្នាក់លោតចេញពីលើទូកទៅលើច្រាំង ទូកឃ្លាតឆ្ញាយពីច្រាំង។

    គ. កម្លាំងដូចគ្នាក្រោមអំពើនៃគ្រាប់ប៉េងប៉ុងមានសំទុះលឿនជាងគ្រាប់កូនគោល។

4. ចូរពោលពំនោលច្បាប់ទី \( 1 \) ច្បាប់ទី \( 2 \) និងច្បាប់ទី \( 3 \) ញូតុន។

5. គណនាទម្ងន់នៃអង្គធាតុដែលមានម៉ាសដូចតទៅ \( 2kg \) \( 4kg \) និង \( 0.5kg \) ។

6. ក្នុងជីវភាពរស់នៅយើងតែងតែនិយាយថា អង្ករមួយបាវនេះ៖មានទម្ងន់ \( 50kg \) ឬ \( 100kg \)។ តើយើងនិយាយនេះខុសឬត្រូវ? ហេតុអ្វី?

7. តើគេត្រូវប្រើកម្លាំងប៉ុន្មាន ដើម្បីឱ្យអង្គធាតុមួយមានម៉ាស \( 1kg \) ផ្លាស់ទីដោយសំទុះ \( 1\,\text{m/s}^2 \)?

8. គេប្រើកម្លាំង \( 100N \) ទៅលើបាល់មួយដែលមានម៉ាស \( 0.25kg \) ។ គណនាសំទុះបាល់។

9. អង្គធាតុមួយរងកម្លាំង \( 0.005N \) ផ្លាស់ទីដោយសំទុះ \( 0.2\,\text{m/s}^2 \) ។ គណនាម៉ាសនៃអង្គធាតុនោះ ។

10. កូនរទេះមួយមានម៉ាស \( 6kg \)។ គេទាញវាឱ្យផ្លាស់ទីតាមទិសដេកដោយកម្លាំងថេរ នៅលើផ្ទៃកញ្ចក់រាបស្មើដែលកម្លាំងកកិតរវាងកញ្ចក់និងកង់រទេះអាចចោលបាន ។ គណនា​ :

    ក.​ កម្លាំងថេរដែលមានអំពើលើកូនរទេះ បើដឹងថាកូនរទេះមានសំទុះស្មើនឹង \( 2\,\text{m/s}^2 \) ។

    ខ. សំទុះកូនរទេះ បើកម្លាំងថេរដែលមានអំពើលើកូនរទេះកើនឡើងពីរដង។