ជំពូកទី ៤ ជំនឿផ្សេងៗ
មេរៀនទី ២ សាសនាអ៊ិស្លាម
មេរៀនសង្ខេប
សេចក្ដីផ្ដើម
សាសនាអ៊ីស្លាម ជាសាសនាដ៏ធំមួយដែលមានអ្នកកាន់ច្រើននៅទូទាំងពិភពលោក ជាពិសេសនៅមជ្ឈិមបូព៌ា ។ សាសនានេះចាប់ផ្ដើមនៅប្រហែលសតវត្សរ៍ទី ៦ នៅមជ្ឈិមបូព៌ា ហើយបានពង្រីកខ្លួនទៅដល់ទ្វីបអាហ្វ្រិក និងអឺរ៉ុប ។ គោលបំណងនៃមេរៀននេះគឺ ដើម្បីឱ្យសិស្សអាចរៀបរាប់ពីកំណើត និងគោលជំនឿរបស់សាសនាអ៊ីស្លាម បង្ហាញសារៈសំខាន់របស់សាសនានេះក្នុងសង្គម និងបង្ហាញទ្រឹស្តីអប់រំរបស់សាសនាអ៊ីស្លាម។
ពាក្យគន្លឹះ
១. អត្ថន័យ និងនិយមន័យ
ពាក្យ "អារ៉ាប់" សំដៅលើប្រទេសដែលកាន់សាសនាអ៊ិស្លាមខណៈ "មូស្លីម" សំដៅលើអ្នកកាន់សាសនានេះ "អ៊ិស្លាម" ប្រែថា "សន្តិភាព" ។
២. ប្រវត្តិសាស្ត្រសាសនាអ៊ិស្លាម
សាសនាអ៊ិស្លាម ជាសាសនាដ៏ធំមួយក្នុងចំណោមសាសនាផ្សេងទៀតដែលមានអ្នកកាន់ច្រើននៅទូទាំងពិភពលោក ជាពិសេសនៅមជ្ឈិមបូព៌ា ។ សាសនានេះបានចាប់កំណើតនៅអំឡុងសតវត្សរ៍ទី ៦ នៅមជ្ឈិមបូព៌ា ។ ព្យាការីមហាម៉ាត់បានប្រសូតនៅទីក្រុងមិចការ (គ.ស. ៥៧០-៦៣២) ។ បន្ទាប់ពីមហាម៉ាត់ទទួលមរណភាពនៅឆ្នាំ ៦៣២ សាសនាអ៊ិស្លាមបានពង្រីកខ្លួននៅទូទាំងមជ្ឈិមបូព៌ា អាហ្វ្រិក និងអឺរ៉ុប ។ គម្ពីរកូអាន ជាគម្ពីរដ៏ពិសិដ្ឋរបស់សាសនាអ៊ិស្លាម ដែលអ្នកកាន់សាសនានេះចាត់ទុកថាជាគម្ពីរអាទិទេព ។ វាជាក្រមសីលធម៌ ការគ្រប់គ្រង និងក្រមសីលធម៌សម្រាប់អនុវត្តលើសង្គមអារ៉ាប់ទាំងមូល។
៣. គោលការណ៍សំខាន់ៗរបស់សាសនាអ៊ិស្លាម
តាមគម្ពីរកូអាន អ្នកកាន់សាសនាអ៊ិស្លាមត្រូវជៀសវាងពីអំពើលួចបន្លំ លួចប្រពន្ធ និយាយបង្កាច់បង្ខូច បរិភោគសាច់ជ្រូក និងសម្លាប់មនុស្សស្លូតត្រង់។ ពួកគេត្រូវបំពេញកាតព្វកិច្ចដូចជាតមអាហារនៅថ្ងៃសីល សូត្រធម៌៥ដងក្នុងមួយថ្ងៃ អានគម្ពីរកូអាន ផ្តល់ទានដល់អ្នកក្រីក្រ ធ្វើធម្មយាត្រាទៅក្រុងឡាមិកម្តងក្នុងមួយជីវិត និងផ្សព្វផ្សាយជំនឿសាសនា។ ក្នុងផ្នែកសង្គមធម៌ លោកមហាម៉ាត់បានបង្រៀនមនុស្សឱ្យប្រព្រឹត្តល្អ ស្រឡាញ់គ្នាទៅវិញទៅមក គោរពសិទ្ធិគ្នា មិនប្រកាន់ជាតិសាសន៍ និងមានយុត្តិធម៌ក្នុងសង្គម។
៤. មហាម៉ាត់ជាធម្មទូតនៃព្រះអាល់ឡោះ
មហាម៉ាត់ជាទស្សនវិទូម្នាក់ដែលបានជួយដោះស្រាយបញ្ហាសង្គមអារ៉ាប់ដែលពោរពេញដោយការរើសអើងពូជសាសន៍ អមនុស្សធម៌ និងការជួញដូរមនុស្ស។ លោកបានធ្វើការលះបង់យ៉ាងធ្ងន់ធ្ងរដើម្បីដឹកនាំប្រជាជនអារ៉ាប់ឆ្ពោះទៅរកសេចក្តីសុខ ដោយបង្វែរផ្នត់គំនិតអាក្រក់ឱ្យទៅជាផ្លូវនៃមេត្តា ករុណា និងសច្ចភាព។ លោកបានបង្រៀនថា មនុស្សគ្រប់រូបមានប្រភពតែមួយ ហើយការបែកបាក់ ការរើសអើង និងអំពើឃោរឃៅជាប្រភពនៃអវិជ្ជា ។
៥. ពិធីបួសក្នុងសាសនាអ៊ិស្លាម
មូស្លីមបរិស័ទត្រូវបួសក្នុងមួយឆ្នាំម្តងរយៈពេល ៣០ ថ្ងៃ ដោយអត់អាហារ និងទឹកចាប់ពីព្រះអាទិត្យរះរហូតដល់ព្រះអាទិត្យលិច ។ ពិធីនេះបង្រៀនឱ្យចេះគ្រប់គ្រងជីវិតខ្លួនឯង និងអាណិតអាសូរដល់ជនក្រីក្រ ។ ពិធីបុណ្យនេះមានឈ្មោះថា "រ៉ាម៉ាដន" (Ramadan) ។
៦. ការអប់រំអ៊ិស្លាមសាសនិក
មហាម៉ាត់បានប្រៀនប្រដៅអ្នកកាន់សាសនាអ៊ិស្លាមឱ្យប្រព្រឹត្តល្អចំពោះគ្នាទៅវិញទៅមកក្នុងសង្គម មានចិត្តសន្តោសប្រណី និងមានសមភាព ។ លោកបានលុបបំបាត់ការរើសអើងចំពោះនារីភេទ និងទាសករ ដោយអនុញ្ញាតឱ្យស្ត្រីមានសិទ្ធិស្មើបុរសក្នុងការបញ្ចេញមតិយោបល់ និងជំនឿ ។ អ្នកកាន់សាសនាអ៊ិស្លាមមានជំនឿយ៉ាងមុតមាំលើព្រះតែមួយដែលបានបង្កើតលោក គឺព្រះអាល់ឡោះ ។
៧. សារៈសំខាន់នៃអ៊ិស្លាមសាសនាក្នុងសង្គម
សាសនាអ៊ិស្លាម ជាប្រទីបបង្ហាញផ្លូវដល់អ្នកគោរពសាសនាក្នុងការអប់រំផ្លូវកាយ ផ្លូវចិត្ត សីលធម៌ សុជីវធម៌ និងការរស់នៅសុខដុមរមនាក្នុងសង្គម ។ នៅប្រទេសកម្ពុជា ទោះបីជាអ្នកកាន់សាសនាអ៊ិស្លាមមានចំនួនតិចតួចក៏ដោយ ក៏សាសនានេះបានចូលរួមអប់រំកូនចៅឱ្យដើរតាមផ្លូវល្អ គោរពច្បាប់សង្គម និងចូលរួមអភិវឌ្ឍជាតិ ។