(ជ១) មេរៀនទី៧៖ (មេរៀនសង្ខេប) ស្ថានភាពទ្វីបអឺរ៉ុបមុនសង្គ្រាមលោកលើកទី1

ខ្លឹមសារទី១៖ ការប្រណាំងប្រជែងរវាងខាងកម្លាំងនិងសេដ្ឋកិច្ច

១. តើហេតុអ្វីនៅដើមសតវត្សទី២០បានជាបារាំងអង់គ្លេសខិតចូលជិតគ្នា?
ចំ. នៅដើមសតវត្សទី២០បានជាបារាំង និងអង់គ្លេសខិតចូលជិតគ្នា ព្រោះប្រទេសទាំងពីរជាប្រទេសទទួលផលប្រយោជន៍ពីអាណានិគមច្រើនជាងគេលើពិភពលោក។

២. ចំណែកប្រទេសរុស្ស៊ីត្រូវ.......................ក្នុងសង្គ្រាម.................នៅតំបន់ម៉ាន់ជូរី។
ចំ. ចំណែកប្រទេសរុស្ស៊ីត្រូវ ទទួលបរាជ័យយ៉ាងធ្ងន់ធ្ងរ ក្នុងសង្គ្រាម ជប៉ុន - រុស្ស៊ី នៅតំបន់ម៉ាន់ជូរី។អាណានិគម ឬមានតិចតួច។

៣. ហេតុអ្វីបានជាប្រទេសមហាអំណាចនៅអឺរ៉ុបខ្លះមានការច្រណែននឹងបារាំង និងអង់គ្លេស?
ចំ. បានជាប្រទេសមហាអំណាចនៅអឺរ៉ុបខ្លះមានការច្រណែននឹងបារាំង និងអង់គ្លេសដោយសារខ្លួនគ្មានទីផ្សារអាណានិគម ឬមានតិចតួច។

៤. នៅចុងសតវត្សទី១៩ ដើមសតវត្សទី២០ ទំនាក់ទំនង.......................................................................។
ចំ. នៅចុងសតវត្សទី១៩ ដើមសតវត្សទី២០ ទំ​នាក់ទំនងអន្តរជាតិកាន់តែរង្គោះរង្គើខ្លាំងឡើងៗឈានទៅរកការផ្ទុះសង្គ្រាមប្រកបដោយគ្រោះថ្នាក់។

៥. តើការបង្រួបបង្រួមគ្នារវាងអាល្លឺម៉ង់ និងអ៊ីតាលីធ្វើឱ្យប៉ះទង្គិចទៅលើមហាអំណាចណាខ្លះ?
ចំ. ការបង្រួបបង្រួមគ្នារវាងអាល្លឺម៉ង់ និងអ៊ីតាលីបានធ្វើឱ្យប៉ះទង្គិចទៅលើមហាអំណាចនៅទ្វីបអឺរ៉ុបដូចជា៖
- ប្រទេសអង់គ្លេស
- ប្រទេសបារាំង
- ប្រទេសរុស្ស៊ី
- ប្រទេសអូទ្រីស-ហុងគ្រី និងប្រទេសមហាអំណាចផ្សេងៗទៀតដោយជៀសមិនរួច។

៦. តើនៅទ្វីបអាស៊ីជប៉ុន (មហាអំណាចថ្មី) បានធ្វើឱ្យប៉ះពាល់ដល់ប្រយោជន៍ប្រទេសណាខ្លះ?
ចំ. នៅទ្វីបអាស៊ីជប៉ុន (មហាអំណាចថ្មី) បានធ្វើឱ្យប៉ះពាល់ដល់ផលប្រយោជន៍ប្រទេសដូចជា៖
- ប្រទេសអង់គ្លេស
- ប្រទេសបារាំង
- ប្រទេសរុស្ស៊ី
- ប្រទេសអាល្លឺម៉ង់
- សហរដ្ឋអាមេរិក។

៧. ទំនាស់បានកើតឡើងចេញពី.....................ដែលលាតសន្ធឹងលើទឹកដីយ៉ាងធំធេងនៃតំបន់ភូមិភាគខាងជើងនៃ................................................................. ហើយដែលក្លាយជា.................. រវាងពួកប្រទេស..................។
ចំ. ទំនាស់បានកើតឡើងចេញពីចក្រភពអូតូម៉ង់ ដែលលាតសន្ធឹងលើទឹកដីយ៉ាងធំធេងនៃតំបន់ភូមិភាគខាងជើងនៃទ្វីបអាហ្រ្វិក តំបន់មជ្ឈិមបូព៌ា តំបន់អឺរ៉ុប ប៉ែកអាគ្នេយ៍ ហើយដែលក្លាយជា ការបែងចែក រវាងពួកប្រទេសចក្រពត្តិនិយម។
 
៨. តើទំនាស់អន្តរជាតិត្រូវបានកំណត់ផ្សេងៗពីគ្នាអាស្រ័យទៅលើអ្វី?
ចំ. ទំនាស់អន្តរជាតិត្រូវបានកំណត់ផ្សេងៗពីគ្នា អាស្រ័យទៅនឹងផលប្រយោជន៍របស់កំពូលមហាអំណាចចាស់ និងកំពូលមហាអំណាចថ្មី។
 
៩. តើការប៉ះទង្គិចគ្នាយ៉ាងខ្លាំងក្លាដោយសារអ្វី?
ចំ. ការប៉ះទង្គិចគ្នាយ៉ាងខ្លាំងក្លាដោយសារ ការដណ្តើមប្រទេសអាណានិគម និងតំបន់ក្រោមឥទ្ធិពលដូចមានការគ្រប់គ្រងទៅលើផ្ទៃសមុទ្រ និងនៅលើផ្ទៃដីគោក នៅក្នុងទំនាក់ទំនងយោធា។
 
១០. តើទស្សនកម្លាំងយោធាជាមធ្យោបាយអ្វី?
ចំ. ទស្សនកម្លាំងយោធា ជាមធ្យោបាយសម្រាប់ដោះស្រាយកិត្យានុភាព និងឥទ្ធិពលនៅក្នុងពិភពលោកដ៏ធំធេង។
 
១១. កិច្ចព្រមព្រៀងការយោគយល់ដោយ................ ជា..............និងជា............ របស់រដ្ឋ ដែលជា..........ដោយចំហ អាស្រ័យនឹង ............. នយោបាយ។
ចំ. កិច្ចព្រមព្រៀងការយោគយល់ដោយ បិទបាំងឬ ដោយចំហ ជា ឥរិយាបថការទូត និងជា នយោបាយក្រៅប្រទេស របស់រដ្ឋ ដែលជា ការលាក់កំបាំង ឬជាការគំរាមកំហែង ដោយចំហ អាស្រ័យនឹង ល្បែងនយោបាយ។

ខ្លឹមសារទី២៖ ការប្រណាំងប្រជែងខាងអាណានិគមនិយម

១. មុនពេលសង្រ្គាមរវាងសហរដ្ឋអាមេរិក និងអេស្ប៉ាញបានផ្ទុះឡើងពីឆ្នាំ ........... មកម៉្លេះ សហរដ្ឋអាមេរិកបានធ្វើសំណើ...............ពីអេស្ប៉ាញ ដោយតម្លៃ............ តែអេស្ប៉ាញបានបដិសេធព្រោះមិនធ្លាប់មាន............។
ចំ. មុនពេលសង្រ្គាមរវាងសហរដ្ឋអាមេរិកនិងអេស្ប៉ាញបានផ្ទុះឡើងពីឆ្នាំ ១៨៤៩ មកម៉្លេះ សហរដ្ឋអាមេរិកបានធ្វើសំណើសុំទិញ កោះគុយបា ពីអេស្ប៉ាញ ដោយតម្លៃ ១០០លានដុល្លារ តែអេស្ប៉ាញបានបដិសេធព្រោះមិនធ្លាប់មានប្រពៃណីលក់ប្រទេសអាណានិគម។

២. តើនៅលើកោះគុយបា បានផ្ទុះឡើងនូវការប្រឆាំងនឹងអំណាចគ្រប់គ្រងរបស់អេស្ប៉ាញនៅឆ្នាំណា?
ចំ. នៅឆ្នាំ ១៨៩៥ លើកោះគុយបា បានផ្ទុះឡើងនូវការប្រឆាំងនឹងអំណាចគ្រប់គ្រងរបស់អេស្ប៉ាញ។
 
៣. តើអាមេរិក បានយកលេសវាយអេស្ប៉ាញនៅ ខែ ឆ្នាំណា? ដោយសារមូលហេតុអ្វី?
ចំ. សហរដ្ឋអាមេរិកបានយកលេសវាយលុកទៅលើអេស្ប៉ាញនៅខែ មេសា ឆ្នាំ១៨៩៨ ដោយសារតែការផ្ទុះគ្រាប់នៅលើនាវាចម្បាំង«មេន»។
 
៤. តើជ័យជំនះរបស់សហរដ្ឋអាមេរិកទៅលើអេស្ប៉ាញ បានផ្តល់លទ្ធផលអ្វីខ្លះឱ្យអាមេរិក?
ចំ. ជ័យជំនះរបស់សហរដ្ឋអាមេរិកបានផ្តល់លទ្ធផលឱ្យសហរដ្ឋអាមេរិកបើកផ្លូវដើម្បីធ្វើការឈ្លានពានភូមិភាគខាងត្បូងនៃអាមេរិកឡាទីន តំបន់បូព៌ា និងភូមិភាគអាស៊ីអាគ្នេយ៍។
 
៥. សង្រ្គាមមួយទៀតដែលទាក់ទងទៅនឹង............................... គឺការពាក់ព័ន្ធ......................... ជាមួយនិង....................................ទាំងពីរ ដែលស្ថិតនៅភូមិភាគ......................................................................។
ចំ. សង្រ្គាមមួយទៀតដែលទាក់ទងទៅនឹងការបែងចែកពិភពលោក គឺការពាក់ព័ន្ធ អង់គ្លេស ជាមួយនិងសាធារណរដ្ឋប៊ួរ ទាំងពីរ ដែលស្ថិតនៅភូមិភាគខាងត្បូងនៃទ្វីបអាហ្រ្វិក។
 
៦. ចូរនិយាយពីសង្រ្គាមរវាងចក្រភពអង់គ្លេស និងសាធារណរដ្ឋប៊ួរ។
ចំ. សង្រ្គាមរវាងចក្រភពអង់គ្លេស និងសាធារណរដ្ឋប៊ួរគឺជា៖
- ជាសង្គ្រាមដែលមានទ្រង់ទ្រាយធំ៖ ចក្រភពអង់គ្លេសបានបញ្ចូនកងទ័ពចំនួន ២៥០,០០០នាក់ទៅប្រយុទ្ធនឹងកងទ័ពប៊ួរ។ ក្នុងការប្រយុទ្ធគ្នានេះអង់គ្លេសប្រើអាវុធយុទ្ធភណ្ឌទំនើបៗ ដែលជាគំរូដល់កងទ័ពលើសកលលោកនិងជាលើកទី១ដែលកងទ័ពអង់គ្លេសប្រើកាំភ្លើងយន្ត។
- កម្លាំងគូរសត្រូវមិនស្មើរគ្នាទេ៖ កងទ័ពអង់គ្លេសទទួលជ័យជំនះហើយភ្ជាប់សាធារណរដ្ឋទាំងពីរបស់ជនជាតិប៊ួរជាអាណានិគមរបស់ខ្លួន។
 
៧. តើសង្គ្រាមរុស្ស៊ី-ជប៉ុននៅឆ្នាំ១៩០៤-១៩០៥ គឺជាសង្គ្រាមដូចម្តេច? ចូររៀបរាប់។
ចំ. សង្គ្រាមរុស្ស៊ី-ជប៉ុននៅឆ្នាំ១៩០៤-១៩០៥ គឺជាសង្គ្រាម៖
- សង្រ្គាមបែងចែកតំបន់អាណានិគមនៅក្នុងតំបន់ចុងបូព៌ា។
- ក្នុងសង្រ្គាមនេះអង់គ្លេស និងសហរដ្ឋអាមេរិកស្ថិតនៅក្នុងភាគីរបស់ជប៉ុនធ្វើឲ្យភាគីជប៉ុនទទួលបានជ័យជំនះតាមសន្ធិសញ្ញាសន្តិភាពឆ្នាំ១៩០៥។
- ជាលទ្ធផលជប៉ុនបានពង្រឹងគោលជំហរបស់ខ្លួននៅក្នុងភូមិភាគខាងត្បូងនៃតំបន់ម៉ាន់ជូរី និងយកប្រទេសកូរ៉េដាក់ជាអាណានិគមរបស់ខ្លួននៅឆ្នាំ១៩១០ ។

៨. តើនៅឆ្នាំ១៩០០ សភារ៉ៃស្តាកបានអនុម័តកម្មវិធីថ្មីស្តីពីអ្វី?ហើយបញ្ហាសំខាន់នៅក្នុងកម្មវិធីនេះគឺអ្វី?
ចំ. នៅឆ្នាំ ១៩០០ សភារ៉ៃស្តាកបានអនុម័តកម្មវិធីថ្មីស្តីពីការប្រកួតប្រជែងសព្វាវុធនៅលើផ្ទៃសមុទ្រ។ ហើយបញ្ហាសំខាន់នៅក្នុងកម្មវិធីនេះគឺយកជ័យជំនះទៅលើម្ចាស់សមុទ្រទីមួយគឺចក្រភពអង់គ្លេស។

៩. តើទំនាស់រវាងអង់គ្លេស និងអាល្លឺម៉ង់បានធ្វើឱ្យមានបម្រែបម្រួលអ្វីខ្លះ?
ចំ. ទំនាស់រវាងអង់គ្លេស និងអាល្លឺម៉ង់បានធ្វើឱ្យមានបម្រែបម្រួលនយោបាយក្រៅប្រទេសរបស់អង់គ្លេសនៅទ្វីបអឺរ៉ុប។

ខ្លឹមសារទី៣៖ ការបង្កើតបក្សសម្ព័ន្ធយោធា (ប្លុក)

១. តើសម្ព័ន្ធភាពយោធាទី១ ឈ្មោះអ្វី? កើតឡើងនៅពេលណា?
ចំ. សម្ព័ន្ធភាពយោធាទីមួយគឺ សម្ព័ន្ធភាពត្រីភាគី ដែលបានកើតឡើងបន្ទាប់ពីសង្រ្គាមបារាំង-ព្រុស។

២. តើលោកអធិការបតីប៊ីស្មាក់មានការព្រួយបារម្ភរឿងអ្វី?
ចំ. លោកអធិការបតីប៊ីស្មាក់មានការព្រួយបារម្ភរឿងស្ថានភាពអាល្លឺម៉ង់នៅអឺរ៉ុបប៉ែកកណ្តាល។

៣. តើប្រទេសណាខ្លះដែលអាចឆ្លើយតបទៅនឹងសេចក្តីត្រូវការរបស់អាល្លឺម៉ង់បាន? ហើយពួកគេបានបង្កើតអ្វីឡើង?
ចំ. ប្រទេសដែលអាចឆ្លើយតបទៅនឹងសេចក្តីត្រូវការរបស់អាល្លឺម៉ង់បានមាន អ៊ីតាលី អូទ្រីស-ហុងគ្រី ហើយពួកគេបានបង្កើតសម្ព័ន្ធភាពត្រីភាគី អាល្លឺម៉ង់ អ៊ីតាលី អូទ្រីស-ហុងគ្រី ឡើង។

៤. ដើម្បីដោះស្រាយទង្វើរបស់អាល្លឺម៉ង់តើបារាំងត្រូវធ្វើដូចម្តេចខ្លះ?
ចំ. ដើម្បីដោះស្រាយទង្វើរបស់អាល្លឺម៉ង់បារាំងត្រូវធ្វើដូចជា៖
- បារាំបានចងសម្ព័ភាពជាមួយរុស្ស៊ីដោយបារាំងបានលុបចោលនូវទំនាស់ដែលកើតពីមុនរវាងបារាំង-រុស្ស៊ីនៅតំបន់ចុងបូព៌ា និងមជ្ឈិមបូព៌ា។
- រុស្ស៊ី-បារាំងបានចុះហត្ថលេខាសម្ព័ន្ធភាពស្តីពីកតិកាសញ្ញានយោបាយយោធា (១៨៩១-១៨៩៣)។

៥. តើនៅចុងសតវត្សទី១៩ ទ្វីបអឺរ៉ុបបានបង្កើតប្លុកយោធាប៉ុន្មាន? ប្លុកអ្វីខ្លះ?
ចំ. នៅចុងសតវត្សទី១៩ទ្វីបអឺរ៉ុបបានបង្កើតប្លុកយោធាពីរ ប្លុកគឺ៖
- ប្លុក៖ អាល្លឺម៉ង់ អ៊ីតាលី អូទ្រីស-ហុងគ្រី។
- ប្លុក៖ រុស្ស៊ី-បារាំង។