សេចក្តីណែនាំពីរបៀបបង្កើតទំព័រ និងការបន្ថែមខ្លឹមសារចូលទៅក្នុងថ្នាលសិក្សា

១. Page resource គឺជាអ្វី?

        ជាការបង្កើតតំណភ្ជាប់ទៅកាន់អេក្រង់មួយ ដែលបង្ហាញមាតិកាដែលគ្រូបានបង្កើត។ កម្មវិធីកែសម្រួលអត្ថបទ (Text editor) អនុញ្ញាតឱ្យទំព័របង្ហាញមាតិកាប្រភេទផ្សេងៗបានច្រើនដូចជា អត្ថបទធម្មតា រូបភាព អូឌីយ៉ូ វីដេអូកូដបញ្ចូល (Ebedded code) ឬការរួមបញ្ចូលគ្នារវាងទាំងនេះ។

          ទំព័រ (Page) មានភាពងាយស្រួលក្នុងការចូលប្រើជាងការផ្ទុកឯកសារដែលបង្កើតពីកម្មវិធី Word-processing ជាពិសេសបើឯកសារនោះមានត្រឹមតែអត្ថបទអាន មិនចាំបាច់ត្រូវទាញយក។

១.២. តើវាត្រូវរៀបចំដូចម្តេច?

១. នៅក្នុងវគ្គសិក្សា បើកមុខងារ កែសម្រួល (editing)។

២. ពី ម៉ឺនុយជ្រើសសកម្មភាព (activity chooser) ជ្រើស Page។

៣. ផ្តល់ឈ្មោះទំព័រ ហើយបើចាំបាច់ បន្ថែមសេចក្តីពិពណ៌នា។ ប្រសិនបើអ្នកចង់ឱ្យសេចក្តីពិពណ៌នាបង្ហាញលើទំព័រវគ្គសិក្សា អ្នកអាចធីកប្រអប់ដែលមាន។

៤. នៅក្នុងផ្នែក Content បន្ថែមអត្ថបទ រូបភាព តំណភ្ជាប់ ឬមេឌៀផ្សេងៗដែលអ្នកចង់បង្ហាញ។ ប្រសិនបើប្រើ Atto editor អ្នកក៏អាចបញ្ចូលសំណួរ H5P បានផងដែរ។

៥. នៅក្នុងផ្នែក Appearance កំណត់តាមតម្រូវការ ជាពិសេសថាតើត្រូវបង្ហាញកាលបរិច្ឆេទកែប្រែចុងក្រោយឬអត់។ វាមានប្រយោជន៍ ប្រសិនបើទំព័រត្រូវបានធ្វើបច្ចុប្បន្នភាពញឹកញាប់ ប៉ុន្តែប្រសិនបើទំព័រមិនសូវកែប្រែ វាអាចមើលទៅមិនសមរម្យ។

៦. ពង្រីកការកំណត់ផ្សេងៗ ដើម្បីកំណត់ទំព័រតាមចំណូលចិត្តរបស់អ្នក។

៧. ចុច Save and display ដើម្បីរក្សាទុក និងបង្ហាញទំព័រ។

១.៣. តើវាដំណើរការដូចម្តេច?

ក. ទិដ្ឋភាពសិស្ស (Student view)

សិស្សចុចលើរូបតំណាង (icon) ដើម្បីមើលទំព័រ ហើយអាចចូលប្រើអត្ថបទ ឬមេឌៀដែលគ្រូបានផ្តល់។

ខ. ទិដ្ឋភាពគ្រូ (Teacher view)

គ្រូអាចកែសម្រួលទំព័រ ដោយចុចលើ Page រួចបន្តទៅកាន់ Settings។